მომლოცველობა და გაცნობითი ვიზიტები სხვადასხვა ისტორიულ და სასულიერო ადგილებში  საქართველოს სომეხთა ეპარქიის ახალგაზრდული განყოფილების საქმიანობის ერთ-ერთი მიმართულებაა,   რომელიც მიზნად ისახავს საქართველოში მცხოვრები სომეხი ახალგაზრდებისათვის როგორც დედა სამშობლოს, ასევე საქართველოს   ისტორიულ- კულტურული და სულიერი ფასეულობების გაცნობას.

2017 წლის 11 მარტს, საქართველოს სომეხთა ეპარქიის კულტურის განყოფილების (დირექტორი: ლევონ ჩიდილიანი), ახალგაზრდობის განყოფილების (დირექტორი: ვალერი ბადალიანი) და განათლების განყოფილების (დირექტორი: ევგენია მარკოსიანი) ინიციატივით მოეწყო ეპარქიის „გრიგორ ნარეკაცი“ სომხური ენის სწავლების ერთდღიანი სკოლის მოსწავლეთა და "ჰაიარტუნ "ცენტრის შემოქმედებითი ჯგუფების აღსაზრდელთა ექსკურსია საქართველოს ეროვნული მუზეუმის შალვა ამირანაშვილის სახელობის ხელოვნების მუზეუმში. ცენტრის სამოცამდე სხვადასხვა ასაკის აღსაზრდელთა ჯგუფის ვიზიტი მოეწყო ეპარქიის თანამდებობის პირთა, მასწავლებელთა და მშობელთა თანხლებით.

2017 წლის 3 მარტს, საქართველოს სომეხთა ეპარქიის   ნინოწმინდის „რაფაელ ჯავახ“ ცენტრში გაიმართა ღონისძიება, სლოგანით - როგორ მიდის შენი საქმე, სტუდენტო! ღონისძიებას, რომელიც გაიმართა ცენტრის ინიციატივით, ესწრებოდა რაიონის სკოლების  20 კურსდამთავრებული, რომლებიც  სწავლობენ თბილისისა   და ერევნის უმაღლეს სასწავლებლებში.   მათგან 12 არის ასევე ცენტრის კურსდამთავრებული.

2017 წლის 28 თებერვალს,  თბილისის სასტუმრო რედისონ-ბლუს დარბაზში გაიმართა   სუმგაითის, ბაქოსა და კიროვაბადის სომეხთა დარბევის მსხვერპლთა ხსოვნის საღამო.