საქართველოს სომეხთა ეპარქიის ახალგაზრდობის საკითხთა განყოფილების     ინიციატივით და ეპარქიის საეპისკოპოსოს მხარდაჭერით, 2017 წლის 20 მაისს, მოეწყო თბილისელი სომეხი მორწმუნეების   ერთდღიანი მომლოცველობა სომხეთის წმინდა ადგილებში - ჰაღარწინსა და გოშავანქში.  

2017 წლის 16-18 მაისს, მოსკოვში, რუსეთის და ახალი ნახიჯევანის  სომეხთა ეპარქიის საეპისკოპოსოში,   სრულიად სომეხთა კათოლიკოსის, უწმინდესისა და უნეტარესის  გარეგინ მეორის   თავმჯდომარეობით,  გაიმართა   უმაღლესი სასულიერო საბჭოს   კრება, რომელშიც მონაწილეობა მიიღო საქართველოს სომეხთა ეპარქიის წინამძღვარმა,  მისმა ყოვლადუსამღვდელოესობამ, ეპისკოპოსმა ვაზგენ მირზახანიანმა.

2017 წლის 18 მაისს,  თბილისში, საქართველოს კულტურულ ურთიერთობათა კავკასიური სახლის  სტუმრები იყვნენ “ჰორიზონტი“ საერთაშორისო ორგანიზაციის  ევროპულ პარტნიორ  ორგანიზაციათა წარმომადგენლები.   "კავკასიურმა სახლმა" მაღალი რანგის სტუმრებს წარუდგინა თბილისის მრავალეროვნული კულტურის ნიმუშებით შედგენილი   ლამაზი კონცერტი.

2017 წლის 8 მაისს,  ერევნის სასტუმრო „მერიოტში” გაიმართა კონფერენცია თემაზე: „რელიგიისა და რწმენის, თავისუფლების თანამედროვე პრობლემები სომხეთში, საქართველოსა და მსოფლიოში“.  კონფერენციის    ორგანიზატორი იყო ევრაზიის თანამშრომლობის ფონდი, ნიდერლანდების სამეფოს ფინანსური მხარდაჭერით.  კონფერენციაში მონაწილეობდნენ სომხეთის რესპუბლიკის მთავრობის   წარმომადგენლები,სომხეთში მოქმედი დიპლომატები,   სამოქალაქო საზოგადოების წარმომადგენლები,  საქართველოს სახალხო დამცველის აპარატის ოფიციალური პირები, სამართალდამცველები, სტუმრები.