2017 წლის 4-11 მაისი საქართველოს სომეხთა ეპარქიის    ბათუმის  „სურბ ფრკიჩ“ ეკლესიის მორწმუნეთა ერთი ჯგუფისთვის იქცა ცხოვრების უბედნიერეს და დაუვიწყარ დღეებად. 18-მა ბათუმელმა მორწმუნემ, მიიღო რა საქართველოს სომეხთა ეპარქიის წინამძღვრის,  მისი ყოვლადუსამღვდელოესობის, ეპისკოპოსი ვაზგენ მირზახანიანის კურთხევა,   "სურბ ფრკიჩ“ ეკლესიის, აჭარის,   გურიის და იმერეთის სომხების სულიერი მოძღვრის, მღვდელ  არარატ გუმბალიანის ხელმძღვანელობით მოსალოცად გაემგზავრა   იერუსალიმში.   მომლოცველობა 7 დღეს   გაგრძელდა,     თითოეულ მომლოცველს  აუხდა სანუკვარი ოცნება.

2017 წლის  2 მაისს, საქართველოს სომეხთა ეპარქიის საეპისკოპოსოს ინიციატივით  და მფარველობით თბილისის "სურბ მოვსეს ხორენაცი" საბავშვო   ბაღში ბავშვების ყოფნის დრო გაახანგრძლივეს.  ამიერიდან   ბავშვებს დილიდან მიიღებენ 9 საათსა და 30 წუთზე და ისინი იქ დაჰყოფენ 16 საათსა და 30 წუთამდე.

2017 წლის 30 აპრილს, საქართველოს სომეხთა ეპარქიის ნინოწმინდის „რაფაელ ჯავახ“  კულტურულ-საგანმანათლებლო  და ახალგაზრდულ ცენტრში გაიმართა ინტელექტუალური თამაშის ფინალური ეტაპი. თამაშში ჩართული იყო ცენტრის სომხეთის ისტორიის       (მასწავლებელი: სამველ ფუთულიანი), რელიგიის (მასწავლებელი: რიმა სააკიანი) და ხელოვნების ისტორიის (მასწავლებელი:  ჟორა სნხჩიანი) წრეების 30-მდე მოსწავლე.

2017 წლის 30 აპრილს, საქართველოს სომეხთა ეპარქიის  „ჰაიარტუნ“  ცენტრის გალუსტ გიულბენკიანის სახელობის დარბაზში გაიმართა      "პოეტის დაბრუნება" დოკუმენტური ფილმის ჩვენება. ფილმის   რეჟისორი, "ოქროს გარგარი" საერთაშორისო კინოფესტივალის დამფუძნებელი და დირექტორი  ჰარუთიუნ ხაჩატრიანი, თბილისში ამ ფილმის ჩვენებასა და თბილისელ მაყურებელთან შეხვედრას დიდი ხანი ელოდებოდა, მაგრამ ჯანმრთელობის მდგომარეობის გამო   ვერ ჩამოვიდა თბილისში და ვერ დაესწრო ჯივანისა და ჯავახეთისადმი მიძღვნილი ფილმის ჩვენებას.