2017 წლის 24 თებერვალს, საქართველოს სომეხთა ეპარქიის  „ჰაიარტუნ“  ცენტრის გალუსტ გიულბენკიანის სახელობის დარბაზში  გაიხსნა   საქარველოს რესპუბლიკის დამსახურებული მხატვრის, საბჭოთა კავშირის მხატვართა კავშირის წევრის, ლევ ბაიახჩევის, სურათების   პერსონალური გამოფენა, რომლის ინიციატორები არიან საქართველოს სომეხ მხატართა კავშირი და „ჰაიარტუნ“ ცენტრი.

თბილისის ავლაბრის უბანში მდებარე „შამქორეცოც სურბ ასტვაწაწინ“ ეკლესიის მიმდებარე ტერიტორიაზე მიმდინარე სამშენებლო სამუშაოების საკითხით, საქართველოს სომეხთა ეპარქიამ ჯერ კიდევ შარშან, დეკემბერში, მშენებლობის დაწყების შედეგად ეკლესიის ნანგრევების შენარჩუნებისა და გაუვნებელყოფის საკითხით წერილობით მიმართა თბილისის მერიასა და კულტურული მემკვიდრეობის დაცვის ეროვნულ სააგენტოს. იმავე ადრესატებისა და ასევე საქართველოს რელიგიის საკითხთა სახელმწიფო სააგენტოს მისამართით წერილები გაიგზავნა ასევე იანვარში. წარმოგიდგენთ საქართველოს სომეხთა ეპარქიის წერილების პასუხად საქართველოს კულტურული მემკვიდრეობის დაცვის ეროვნული სააგენტოსაგან მიღებულ წერილებს.

პრემიერ-მინისტრი კარენ კარაპეტიანი,  საქართველოში ოფიციალური ვიზიტის ფარგლებში, 2017 წლის 24 თებერვალს, დელეგაციის წევრებთან ერთად  ეწვია თბილისის სომხურ  ეკლესიებს.

თბილისის „სურბ გევორგ“ საკათედრო ტაძარში მაღალი რანგის სტუმრებს დახვდნენ საქართველოს სომეხთა ეპარქიის წინამძღვარი,  მისი ყოვლადუსამღვდელოესობა ეპისკოპოსი ვაზგენ მირზახანიანი, სამცხე-ჯავახეთისა და წალკის  საერთო ეპარქიალური ვიკარიატის ვიკარიუს  არქიმანდრიტ  ბაბგენ სალბიანსა და მღვდელმსახურებთან ერთად.

დელეგაციის წევრებმა ყვავილებით შეამკეს საიათნოვას საფლავი და ეკლესიის ეზოში დაკრძალული ეთნიკურად სომეხი გენერლების საფლავის ქვები.  

პრემიერ-მინისტრმა და მთავრობის წევრებმა დაათვალიერეს უძველესი „სურბ გევორგ“ ეკლესია. ეპარქიის წინამძღვარი მიესალმა დელეგაციის წევრებს და დედა   სამშობლოდან ჩამოსულ სტუმრებს  წარუდგინა ეკლესიის ისტორია. მეუფე ვაზგენმა პრემიერ-მინისტრსა და დელეგაციის წევრებს გადასცა სრულიად სომეხთა კათოლიკოსის, უწმინდესისა და უნეტარესის გარეგინ მეორის,  კურთხევა და კეთილი სურვილები. ეპისკოპოსმა ვაზგენ მირზახანიანმა  მადლიერება გამოუხატა სომხეთის მთავრობას, რომელიც   დიასპორის სამინისტროს მეშვეობით აგრძელებს საქართველოს სათემო სტრუქტურების, ასევე საქართველოს სომეხთა ეპარქიის  მხარდაჭერას. მისმა ყოვლადუსამღვდელოესობამ მადლიერების სიტყვები თქვა ეროვნული ქველმოქმედების, რუბენ ვარდანიანისა და მისი მეგობრების მისამართით, ასევე აღნიშნა ყოფილ პრემიერ-მნინისტრ    ბიძინა ივანიშვილის წვლილი. წინამძღვარმა ხაზი გაუსვა    საქართველოს ხელისუფლების მზრუნველობით  დამოკიდებულებას საქართველოს სომეხთა ეპარქიისა  და სომხური სათვისტომოს მიმართ, საქართველოს სომხური სათვისტომოს როლსა და მნიშვნელობას სომხურ-ქართული მეგობრული ურთიერთობების განვითარებისა და გაძლიერების საქმეში.  პრემიერ-მინისტრმა კარენ  კარაპეტიანმა  საქართველოს სომეხთა ეპარქიას აჩუქა ღვთისმშობლის გამოსახულებით სურათი, ეპარქიის წინამძღვარმა   პრემიერ-მინისტრს გადასცა ფონდ  IDеА-ს  მიერ გამოცემული „სურბ გევორგ“ საკათედრო ეკლესიის რეკონსტრუქციასთან დაკავშირებით გამოცემული  წიგნ-ალბომი.

ეკლესიაში სანთლების დანთებისა და ლოცვის შემდეგ, პრემიერ-მინისტრი და დელეგაციის წევრები გაემართნენ „სურბ ეჯმიაწინ“ ეკლესიისკენ, სადაც მაღალი რანგის სტუმრებს შესასვლელთან დახვდნენ მღვდელმსახურები და ეპარქიის  ოფიციალური პირები.

სომხეთის რესპუბლიკის პრემიერ-მინისტრმა ქედი მოიხარა  ეკლესიის ეზოში აღმართულ სომეხთა გენოციდის წმიდანად შერაცხულ   მსხვერპლთა ხსოვნის ხაჩქარის წიანშე,   ყვაველიბით შეამკო ხაჩქარის   კვარცხლბეკი.

შემდეგ დელეგაცია ეწვია ეპარქიის  კულტურულ-საგანმანათლებლო და ახალგაზრდულ  „ჰაიარტუნ“  ცენტრს. სტუმრებმა დაათვალიერეს ცენტრში მოქმედი „სურბ მოვსეს ხორენაცი“ საბავშვო ბაღი, სადაც სტუმრებს მიესალმნენ სომხეთის რესპუბლიკისა და საქართველოს   სახელმწიფო ჰიმნების შესრულებით.   

შემდეგ ცენტრის გალუსტ გიულბენკიანის სახელობის დარბაზში გაიმართა შეხვედრა თბილისსა და    სომხებით დასახლებული რეგიონებიდან ჩამოსულ ეთნიკურად სომეხ  სახელმწიფო,  საზოგადო და პოლიტიკურ მოღვაწეებსა და სომეხ საზოგადოებრიობასთან.

მეუფე ვაზგენმა მისასალმებელი სიტყვით მიმართა სომხეთის რესპუბლიკის მთავრობას და მის წევრებს და სიტყვა გადასცა სომხეთის პრემიერ-მინისტრს.  

 კარენ კარაპეტიანი მიესალმა დამსწრეებს, ისაუბრა ოფიციალური ვიზიტის შესახებ და უპასუხა დამსწრეთა დასმულ შეკითხვებს.

ცხონებული ლევ ბაიახჩევის ქვრივმა - ქალბატონმა ელენა ბაიახჩევამ სომხეთის რესპუბლიკის პრემიერ-მინისტრს აჩუქა დიდი მხატვრის ნამუშევარი,   ვისი პერსონალური გამოფენაც იყო მოწყობილი   "ჰაიარტუნ" ცენტრში.

ვიზიტის ბოლოს პრემიერ-მინისტრი კარენ კარაპეტიანი და საქართველოს სომეხთა ეპარქიის წინამძღვარი    ეწვივნენ პეტროს ადამიანის სახელობის  სახელმწიფო დრამატულ  თეატრს, სადაც მათ დახვდათ    თეატრის სამხატვრო ხელმძღვანელი არმენ ბაიანდურიანი.   გაიმართა ხანმოკლე შეხვედრა თეატრის დირექციასთან, სადაც წარმოდგენილ იქნა თეატრის საქმიანობა და   სარემონტო სამუშაოები.

2017 წლის 22 თებერვალს, ვარდან მამიკონიანისა და მისი 1036 თანამოაზრის დღესასწაულის წინა დღეს, თბილისის „სურბ გევორგ“ ეკლესიაში გაიმართა ლიტერატურული ღონისძიება, რომელიც მიეძღვნა  წმინდანთა ხსენებას. ღონისძიება წარმოადგინეს დედაქალაქის 103-ე ქართულ-სომხური სკოლის მოსწავლეებმა, სომხური ენისა  და ლიტერატურის მასწავლებლის, გაიანე მხითარიანის ინიციატივით.