2014 წლის 19 თებერვალს შედგა რელიგიური გაერთიანებების წარმომადგენელთა შეხვედრა საქართველოში აკრედიტებული დიპლომატიური მისიებისა და ადამიანის უფლებათა დაცვის საკითხებით დაკავებულ სახელმწიფო ორგანოთა წარმომადგენლებთან.

21 თებერვალს ყოველთა სომეხთა კათოლიკოსმა, უწმინდესმა და უნეტარესმა გარეგინ მეორემ მიიღო საქართველოს სომეხთა ეპარქიის წინამძღვარი ეპისკოპოსი ვაზგენ მირზახანიანი.

19 თებერვალი ყოველთა სომეხთა პოეტის - ოვანეს თუმანიანის, დაბადების დღეა. „ჰაიარტუნ“ ცენტრმა დიდი ლორელის დაბადების 145 წლისთავი აღნიშნა ლიტერატურულ- მუსიკალური საღამოთი, რომლის ინიციატორი იყო „ჰაიარტუნ“ ცენტრი, საქართველოს სომეხ მწერალთა „ვერნატუნ“ კავშირთან თანამშრომლობით.

16 თებერვალს შესრულდა სომხეთის რესპუბლიკის დამსახურებული არქიტექტორის, სსრკ სახალხო არქიტექტორის, საერთაშორისო აკადემიის აკადემიკოს ჯიმ თოროსიანის გარდაცვალების 40 დღე, ადამიანის, რომელმაც განსაკუთრებული წვლილი შეიტანა საერთაშორისო არქიტექტურის სფეროში. დიდი მეცნიერის გარდაცვალების 40 დღის აღსანიშნავად, საქართველოს არქიტექტორთა კავშირის ინიციატივითა და საქართველოს სომეხთა ეპარქიის მხარდაჭერით, საქართველოს სომეხი ინტელიგენციის კავშირმა მოაწყო ხსოვნის საღამო.