პირველ აპრილს საქართველოს სომეხთა ეპარქიის „ჰაიარტუნ“ ცენტრის საგამოფენო დარბაზში გაიხსნა თბილისელი ცნობილი სომეხი მხატვრის გარეგინ მირზოევის ნამუშევართა პერსონალური გამოფენა, რომელიც საქართველოს სომეხთა ეპარქიის „ჰაიარტუნ“ ცენტრის მხარდაჭერით, ორგანიზებული იყო საქართველოს სომეხ მხატვართა კავშირის მიერ. გამოფენაზე წარმოდგენილი იყო ნიჭიერი მხატვრის ფერწერული, კერამიკული და მოზაიკური ნამუშევრები. გამოფენა გახსნა საქართველოს სომეხთა ეპარქიის კულტურის განყოფილების დირექტორმა, „ჰაიარტუნ“ ცენტრის კოორდინატორმა ლევონ ჩიდილიანმა. მან საბჭოთა კავშირის მხატვართა კავშირის წევრ გარეგინ მირზოევს მიულოცა თბილისში მეორე პერსონალური გამოფენის მოწყობა.

2014 წლის 30 მარტს საქართველოს სომეხთა ეპარქიის „ჰაიარტუნ“ ცენტრის გალუსტ გიულბენკიანის სახელობის დარბაზში შემდგარი კონცერტის მთავარი მუსიკალური საკრავი ვიოლინო იყო, შემსრულებლები კი - თბილისის ვანო სარაჯიშვილის სახელობის სახელმწიფო კონსერვატორიის პროფესორის, სიმებიანი საკრავების კათედრის გამგის ერნსტ არაქელოვის ვიოლინოს კლასის სტუდენტები. „ჰაიარტუნ“ ცენტრის მხარდაჭერით საქართველოს სომეხ მუსიკოსთა კავშირის ორგანიზებული ღონისძიების მიზანი იყო მევიოლინის სპეციალობაარჩეული კონსერვატორიის სტუდენტთა მიერ მსოფლიოში ცნობილ მუსიკოსთა ნაწარმოებების ოსტატური შესრულებების ჩვენება.

28 მარტს გაიმართა სომხეთის რესპუბლიკის დიასპორის სამინისტროს, სომეხთა საერთაშორისო კონგრესისა და რუსეთის სომეხთა კავშირის მიერ ერთობლივად ჩატარებულ „სომხური იდენტობის შენარჩუნების საქმეში შეტანილი მნიშვნელოვანი წვლილისათვის“ პრემიის 2013 წლის შედეგების შეჯამებისა და დიპლომების გადაცემის საზეიმო ცერემონიალი.

ცნობილი მინიატურისტი გოჰარ ჰაკობიანი თბილისის სომხური საზოგადოების წინაშე ამჯერად წარსდგა სხვა კუთხით. წლების წინ როცა მან აიხდინა დიდი ხნის ოცნება და იმოგზაურა არცახში, მიზნად დაისახა თავისი გრძნობები და განცდები გაეზიარებინა თბილისის სომხური საზოგადოებისთვის.