საქართველოს სომეხ მუსიკოსთა გაერთიანების ინიციატივითა და საქართველოს სომეხთა ეპარქიის „ჰაიარტუნ“ ცენტრის მხარდაჭერით, 11 იანვარს ცენტრის გალუსტ გიულბენკიანის სახელობის დარბაზში გაიმართა გიტარის საღამო. სიმბოლურად საღამო მიეძღვნა ცნობილ მუსიკოს- პედაგოგ, გიტარისტ თენგიზ გამიდაძის სცენური მოღვაწეობის 50 წლისთავს.

9 იანვარს ცნობილ კინორეჟისორ სერგო ფარაჯანოვს შეუსრულდებოდა 90 წელი. ფარაჯანოვმა - თბილისში დაბადებულმა ეთნიკურად სომეხმა, შემოქმედებითი ნაყოფიერი წლები გაატარა საქართველოსა და უკრაინაში, დაკრძალულია ერევანში. სერგო ფარაჯანოვის იუბილესადმი მიძღვნილი ხსოვნის საღამო ინიცირებული იყო საქართველოს სომეხთა ეპარქიის „ჰაიარტუნ“ ცენტრის მიერ, ცნობილ ფოტოგრაფ იური მეჩითოვთან თანამშრომლობით და სრ კულტურის სამინისტროს მხარდაჭერით.

104-ე საჯარო სკოლის (დირექტორი: ირინა ჟამკოჩიანი) პირველიდან მეხუთე კლასის მოწაფეებმა ქრისტეშობის ბრწყინვალე დღესასწაულს მიუძღვნეს მშვენიერი წარმოდგენა, რომელიც ორგანიზებული იყო ბიბლიოთეკარ ჰასმიკ ანტონიანის ინიციატივით. ღონისძიებას ესწრებოდნენ ასევე „სურბ ეჯმიაწინ“ ეკლესიის მღვდელი მანუკ ზეინალიანი და საქართველოს სომეხთა ეპარქიის განათლების განყოფილების დირექტორი ევგენია მარკოსიანი.

6 იანვარს დილიდან სადღესასწაულო განწყობა სუფევდა თბილისის „სურბ ეჯმიაწინ“ ეკლესიაში. შობისა და ნათლისღების დღესასწაულის წმიდა წირვა აღევლინა „სურბ ეჯმიაწინ“ ეკლესიაში. წირვა აღავლინა საქართველოს სომეხთა ეპარქიის წინამძღვარმა ეპისკოპოსმა ვაზგენ მირზახანიანმა.