Օգոստոսի 24-26-ին Վիրահայոց թեմում հյուրընկալվեցին ՀՀ Գուգարաց թեմի Վանաձորի Սուրբ Գրիգոր Նարեկացի եկեղեցու «Նարեկացի» երիտասարդաց միության անդամները՝ հոգևոր պատասխանատու, Վանաձորի «Սբ. Աստվածածին» եկեղեցու հոգևոր սպասավոր Տեր Ստեփանոս քահանա Մարգարյանի գլխավորությամբ: Վանաձորցի երիտասարդների ուխտագնացությունը Վրաստան նախաձեռնել և երկու օր իր տանը հյուրընկալեց Վրաստանի Բոլնիսի շրջանի Կիանեթ գյուղի բնակիչ, ներկայումս Վանաձորի պետական մանկավարժական համալսարանի պատմության բաժնի երրորդ կուրսի ուսանող Ռոբերտ Սարգսյանը:

2013թ. օգոստոսի 25-ին Բաթումի Սուրբ Փրկիչ եկեղեցում հոգևոր հովիվ Տեր Արարատ քահանա Գումբալյանի հրավերով «Շենացնենք մեր գյուղը» կազմակերպության երիտասարդական շարժման ակտիվիստները հանդիպեցին տեղի հայ երիտասարդության հետ: Այս երիտասարդները Հայաստանում զբաղվում են բարեգործությամբ. օգնում են անապահով ընտանիքներին, խնամք են ցուցաբերում միայնակ, ծեր հաշմանդամներին և այլն: Հանդիպման ընթացքում կազմակերպության երիտասարդները ներկաներին պատմեցին իրենց գործունեության և փորձառության մասին: Տեր Արարատը ողջունեց երիտասարդ ակտիվիստներին, ընդգծեց նամանատիպ ծրագրերի կարևորությունը և առաջարկեց Բաթումիի հայ համայնքում նույնպես ստեղծել այդպիսի երիտասարդաց շարժում տեղի հայ անապահով ընտանիքներին օժանդակելու համար:

2013թ օգոստոսի 18-ին, Հայ Առաքելական Սուրբ Եկեղեցին տոնեց Աստվածամոր Վերափոխման Տոնը: Բաթումի «Սուրբ Փրկիչ» եկեղեցում հոգևոր հովիվ Տեր Արարատ քահանա Գումբալյանի գլխավորությամբ մատուցվեց տոնական Սուրբ և Անմահ Պատարագ: Տեր հայրը ներկա հավատացյալներին փոխանցեց տոնի պատմական ավանդությունը և հորդորեց մշտապես դիմել Սուրբ Կույսի բարեխոսությանը: Պատարագի ավարտին Տեր Արարատը Խարկովի «Սուրբ Հարություն» եկեղեցու հոգևոր հովիվ Տեր Վարդանի հետ միասին կատարեց խաղողօրհնության կարգ, և օրհնված խաղողը բաժանվեց հավատացյալներին:

Օգոստոսի 18-ին, Հայ Առաքելական Սուրբ Եկեղեցին նշեցՍբ.Աստվածածնի Վերափոխմանտոնը: Այն Հայ Եկեղեցու հինգ Տաղավարտ ոներից չորրորդը և Տիրամորը նվիրված ամենահին տոննէ: