«Վերադարձ» բակային ճամբարը առաջին անգամ էր գործում Նինոծմինդայի Գանձա գյուղում: Այն փորձնական մեկշաբաթյա ծրագիր էր, որն իրականցվում էր Ջավախքի ընդհանուր առաջնորդական փոխանորդության հովանավորությամբ և աջակցությամբ:

2013թ.-ի օգոստոսի 11-ին և 13-ին Գ. Սունդուկյանի անվան Ազգային Ակադեմիական թատրոնը Բաթումիի Արվեստի տանը հանդես եկավ «Կովկասի կավճե շրջան» և «Հարյուր տարի անց» ներկայացումներով: Հատկապես, եղեռնի թեման արծարծող Պերճ Զեյթունցյանի հեղինակաց «Հարյուր տարի անց» ներկայացումը մեծ ոգևորություն առաջացրեց հայ համայնքի ներկայացուցիչների շրջանում:

Օգոստոսի 7-9-ը, Թբիլիսիում հյուրընկալվեցին Ստեփանակերտի մի քանի դպրոցների ուսուցիչներ: Ուղևորությունը դեպի Թբիլիսիի տեսարժան վայրեր կազմակերպել էր արդեն մի քանի անգամ Վրաստանի մայրաքաղաք այցելած Ստեփանակերտի թիվ 2 դպրոցի հայոց լեզվի և գրականության ուսուցչուհի Անահիտ Մեսրոպյանը:

Մայր Աթոռ Սուրբ Էջմիածնի Գևորգյան ճեմարանի սովորողները ամառային հանգիստն անց են կացնում տարբեր Թեմերում հոգևոր արարողություններին իրենց մասնակցությամբ: Այս ամառ ճեմարանի 6-րդ լսարանի չորս սարկավագներ, ընդունված ավանդույթի համաձայն, երկու շաբաթվա ընթացքում գտնվում էին Վիրահայոց թեմում: Նրանք Թբիլիսիի Սուրբ Էջմիածին եկեղեցում մասնակցում էին պատարագներին, ժամերգություններին, եկեղեցական տարբեր արարողությունների: Գևորգյան ճեմարանի սաները՝ Նարեկ սրկ. Մարդիրյանը, Արման սրկ.Մարտիրոսյանը, Ազատ սրկ.Մաղաքյանը և Մեսրոպ սրկ. Աշուրյանը այդ ժամանակաընթացքում ամեն ուրբաթ օր անց էին կացնում հանդիպումներ վիրահայ հավատացյալների հետ և զրույց ունենում հոգևոր և եկեղեցական տարբեր թեմաների շուրջ: