საქართველოს სომეხთა ეპარქიის ახალგაზრდობის საქმეთა განყოფილებამ (დირექტორი: ვალერი ბადალიანი) აქტიური მონაწილეობა მიიღო სომხეთის რესპუბლიკის დიასპორის სამინისტროს დიასპორის ახალგაზრდებისათვის სამშობლოს გაცნობის 2014 წლის „არი ტუნ“ პროგრამაში. 55 ახალგაზრდა (15 აქტივისტი მარნეულის რაიონიდან, 40 - თბილისიდან) ჩაერთო პროგრამის სამ ეტაპში. დროულად და კარგად განხორციელებული მოსამზადებულ-ორგანიზაციული სამუშაოს შედეგად, საქართველოს სომეხთა ეპარქიის ჯგუფები გამოირჩეოდნენ მაღალი დისციპლინით, ხალხური კულტურის ცოდნით და სამაგალითო ქცევით. აღსანიშნავია, რომ მონაწილეთა ჩართვა პროგრამის ეტაპებში ხორციელდებოდა განყოფილების დირექტორის თანდასწრებით და უშუალო ზედამხედველობით. 13-18 წლის ახალგაზრდები ორკვირიანი ეტაპებით სტუმრობდნენ სომხეთში მცხოვრებ ოჯახებს, წაღკაძორში მონაწილეობა მიიღეს საბანაკო ეტაპში.

მიმდინარე წლის 11 ივლისიდან 22 ივლისის ჩათვლით საქართველოს სომეხთა ეპარქიის ახალგაზრდული განყოფილების (დირექტორი: ვალერი ბადალიანი) 24-მა აქტივისტმა, ჰოვანეს შაჰნაზარიანის ხელმძღვანელობით, ზაფხულის არდადეგები გაატარა სომხეთის რესპუბლიკის ლორის რეგიონის ლერმონტოვის ველზე მდებარე „ანდრანიკ“ სკაუტთა ბანაკში. სომხური საქველმოქმედო საერთო კავშირის ახალგაზრდული პროგრამების ფარგლებში მოწყობილ ბანაკის ამ ეტაპში მონაწილეობას იღებდა ლიბანის, სირიის, დუბაის, თბილისის და ერევნის ჯგუფების წარმომდგენელი 135 სკაუტი. 13 ივლისს საბანაკო ცხოვრების გახსნა იყო. ბანაკის გახსნის ცერემონია აკურთხა გუგარქის ეპარქიის წინამძღვარმა არქიეპისკოპოსმა სეპუჰ ჩულჯიანმა.

22 ივლისს საქართველოს მართლმადიდებელი ეკლესიის საპატრიარქოში გაიმართა შეხვედრა საქართველოს საპატრიარქოს ეკლესიათშორისი ურთიერთობების განყოფილების ხელმძღვანელ, ზუგდიდისა და ცაიშის მიტროპოლიტ გერასიმესა და საქართველოს სომეხთა ეპარქიის წინამძღვარ ეპისკოპოს ვაზგენ მირზახანიანს შორის, რომელშიც მონაწილეობას იღებდა საპატრიარქოს პრესსამსახურის უფროსი მიქაელ ბოტკოველი და საქართველოს სომეხთა ეპარქიის სოციალური სამსახურის ხელმძღვანელი მიქაელ ავაგიანი.

საქართველოს ყოფილი პრეზიდენტის ედუარდ შევარდნაძის დაკრძალვის ცერემონიაზე სომხეთის რესპუბლიკის ოფიციალური დელეგაციის მონაწილეობის ფარგლებში, ეროვნული კრების თავმჯდომარე გალუსტ სააკიანი, სრ იუსტიციის მინისტრი ოვანეს მანუკიანი, სრ ეროვნული კრების დეპუტატი ვარდან აივაზიანი, ეროვნული კრების ადმინისტრაციის ხელმძღვანელი ჰრაირ თოვმასიანი და სხვები 14 ივლისს ეწვივნენ თბილისის „სურბ გევორგ“ ეკლესიას. სტუმრების შემადგენლობაში იყვნენ საქართველოში სომხეთის რესპუბლიკის საქმეთა დროებითი რწმუნებული ვაჰაგნ აფიანი და საელჩოს მრჩეველი კარენ მელიქიანი.