საქართველოს ყოფილი პრეზიდენტის ედუარდ შევარდნაძის დაკრძალვის ცერემონიაზე სომხეთის რესპუბლიკის ოფიციალური დელეგაციის მონაწილეობის ფარგლებში, ეროვნული კრების თავმჯდომარე გალუსტ სააკიანი, სრ იუსტიციის მინისტრი ოვანეს მანუკიანი, სრ ეროვნული კრების დეპუტატი ვარდან აივაზიანი, ეროვნული კრების ადმინისტრაციის ხელმძღვანელი ჰრაირ თოვმასიანი და სხვები 14 ივლისს ეწვივნენ თბილისის „სურბ გევორგ“ ეკლესიას. სტუმრების შემადგენლობაში იყვნენ საქართველოში სომხეთის რესპუბლიკის საქმეთა დროებითი რწმუნებული ვაჰაგნ აფიანი და საელჩოს მრჩეველი კარენ მელიქიანი.

ეკლესიის ეზოში სტუმრებს დახვდა სომეხთა სამოციქულო წმიდა ეკლესიის საქართველოს ეპარქიის წინამძღვარი მისი ყოვლადუსამღვდელოესობა ეპისკოპოსი ვაზგენ მირზახანიანი, რომელმაც ისაუბრა ეკლესიასა და მიმდინარე სარეკონსტრუქციო სამუშაოებზე. შემდეგ სტუმრები ეწვივნენ „სურბ ეჯმიაწინ“ ეკლესიას. ეროვნული კრების თავმჯდომარემ და დელეგაციის წევრებმა ყვავილებით შეამკეს ეკლესიის ეზოში აღმართული გენოციდის მსხვერპლთა ხსოვნის ხაჩქარი. ეკლესიაში სანთლების დანთების შემდეგ სტუმრები მივიდნენ „ჰაიარტუნ“კულტურულ-საგანმანათლებლო და ახალგაზრდულ ცენტრში, სადაც საქართველოს სომეხთა ეპარქიის კულტურის განყოფილების დირექტორმა, „ჰაიარტუნ“ ცენტრის ხელმძღვანელმა ლევონ ჩიდილიანმა წარადგინა ცენტრის მოღვაწეობა.

სომხეთის რესპუბლიკის ოფიციალური დელეგაცია, საქართველოს სომეხთა ეპარქიის წინამძღვრის და სამღვდელოების თანხლებით, ავიდა სომეხ მწერალთა და საზოგადო მოღვაწეთა ხოჯივანქის პანთეონში, ქედი მოიხარეს ერის დიდებული შვილების ხსოვნის წინაშე და ყვავილებით შეამკეს მათი საფლავები.სომხეთის რესპუბლიკის ოფიციალური დელეგაცია იმავე დღეს დაბრუნდა ერევანში.