საქართველოს სომეხთა ეპარქიის ინიციატივითა და მღვდელ მანუკ ზეინალიანის წინამძღოლობით, თბილისელ მორწმუნეთა 22 კაციანმა ჯგუფმა 6-8 სექტემბერს მომლოცველობა შეასრულა სომეხთა სამოციქულო წმიდა ეკლესიის სიწმინდეებისაკენ.

საქართველოს სომეხთა ეპარქიის „ჰაიარტუნ“ ცენტრის გალუსტ გიულბენკიანის სახელობის დარბაზში გაიმართა კულტურულ-საგანმანათლებლო და ახალგაზრდული „ჰაიარტუნ“ ცენტრის საბჭოს მორიგი სხდომა, რომელიც დაიწყო „მამაო ჩვენოს“ ლოცვითა და ეპარქიის წინამძღვრის კურთხევით.

2014 წლის 9 სექტემბერს საქართველოს სომეხთა ეპარქიის „სურბ მოვსეს ხორენაცის“ სახელობის საბავშვო ბაღში დაიწყო 2014-15 სასწავლო წელი. ნაირფერი ბუშტებითა და სათამაშოებით გაფორმებულ სასწავლო ოთახებში შესვლამდე, ლამაზი ჩაცმულობითა და ფერადი თაიგულებით 50-მდე სომეხი პატარა მშობლებთან ერთად შეიკრიბა „სურბ ეჯმიაწინ“ ეკლესიის ეზოში - დილის ღვთისმსახურებაში მონაწილეობისა და სულიერი მამის კურთხევის მიღებისათვის. პატარებს დახვდნენ საბავშვო ბაღის პერსონალი და "ჰაიარტუნ" ცენტრის თანამშრომლები და ისინი ეკლესიაში შეიყვანეს.

საქართველოს სომეხთა ეპარქიის კულტურის განყოფილებამ (განყოფილების დირექტორი და „ჰაიარტუნ“ ცენტრის ხელმძღვანელი: ლევონ ჩიდილიანი) მონაწილეობა მიიღო სრ დიასპორის სამინისტროს „იმ ჰაიასტან“ ყოველთა სომეხთა მეორე ფესტივალის ფარგლებში ჩატარებულ „გუნდური ხელოვნების დღეებში“.