საქართველოში სომხეთის რესპუბლიკის პრეზიდენტის სერჟ სარგსიანის ოფიციალური ვიზიტის ფარგლებში, საიათნოვას 300 წლისთავისადმი მიძღვნილ გალა-კონცერტში მონაწილეობა მიიღო ასევე ცნობილმა მომღერალმა ევა რივასმა, რომელიც 19 ივნისს სიამოვნებით ესტუმრა საქართველოს სომეხთა ეპარქიის „ჰაიარტუნ“ ცენტრს. შეხვედრას ესწრებოდნენ ცნობილი მომღერლის რეპერტუარის თაყვანისმცემლები.

2014 წლის 31 მაისიდან 10 ივნისამდე საქართველოს სომეხთა ეპარქიის ახალგაზრდების ჯგუფმა მონაწილეობა მიიღო Summer Together გაცვლით პროგრამაში, რომელიც ევროკავშირის ფინანსური მხარდაჭერით გაიმართა სომხეთის ჯერმუკის კურორტში. პროექტში ჩართული იყო 30-მდე ახალგაზრდა საფრანგეთიდან, ესტონეთიდან, საქართველოსა და სომხეთიდან. საქართველოს, კერძოდ კულტურულ-საგანმანათლებლო და ახალგაზრდულ „ჰაიარტუნ“ ცენტრს წარმოადგენდნენ: რევიკ კარაპეტიანი, ლანა ადამიანი, მილენა გალუსტოვა, ელენე ჯარიაშნელი, დიანა პარონიანი, დიანა ჰოვანისიანი და მარინა სარგსიანი.

სომხეთის რესპუბლიკის პრეზიდენტი სერჟ სარგსიანი და მისი თანმხლები დელეგაციის წევრები, საქართველოში ვიზიტის ფარგლებში, 19 ივნისს, ეწვივნენ თბილისის „სურბ ეჯმიაწინ“ ეკლესიას. მაღალი რანგის სტუმრებს დახვდნენ საქართველოს სომეხთა ეპარქიის წინამძღვარი მისი ყოვლადუსამღვდელოესობა ეპისკოპოსი ვაზგენ მირზახანიანი, სასულიერო პირები, საქართველოში სომხეთის რესპუბლიკის საელჩოს დიპლომატები, საქართველოს სომხური სათვისტომოს წარმომადგენლები.

ორი წლის წინ ჯავახეთში დამკვიდრებული ახალგაზრდა მხატვრის არმან თოროსიანისა და მისი კოლეგის ჰრაჩია საფარიანის მიერ შესრულდა ამ უნიკალურ მხარეში მოქმედი 33 სომხური ეკლესიის გამოსახულებით ეტიუდური ნამუშევრები, რომლებიც გამოიფინა ჯერ ახალქალაქში, შემდეგ ნინოწმინდაში.