საქართველოს სომეხთა ეპარქიის ახალგაზრდობის საქმეთა განყოფილებამ (დირექტორი: ვალერი ბადალიანი) აქტიური მონაწილეობა მიიღო სომხეთის რესპუბლიკის დიასპორის სამინისტროს დიასპორის ახალგაზრდებისათვის სამშობლოს გაცნობის 2014 წლის „არი ტუნ“ პროგრამაში. 55 ახალგაზრდა (15 აქტივისტი მარნეულის რაიონიდან, 40 - თბილისიდან) ჩაერთო პროგრამის სამ ეტაპში. დროულად და კარგად განხორციელებული მოსამზადებულ-ორგანიზაციული სამუშაოს შედეგად, საქართველოს სომეხთა ეპარქიის ჯგუფები გამოირჩეოდნენ მაღალი დისციპლინით, ხალხური კულტურის ცოდნით და სამაგალითო ქცევით. აღსანიშნავია, რომ მონაწილეთა ჩართვა პროგრამის ეტაპებში ხორციელდებოდა განყოფილების დირექტორის თანდასწრებით და უშუალო ზედამხედველობით. 13-18 წლის ახალგაზრდები ორკვირიანი ეტაპებით სტუმრობდნენ სომხეთში მცხოვრებ ოჯახებს, წაღკაძორში მონაწილეობა მიიღეს საბანაკო ეტაპში.

საქმისადმი გამოჩენილი დიდი პასუხისმგებლობისა და სამაგალითო ქცევისათვის პროგრამის ხელმძღვანელობის მაღალი შეფასება მიიღეს ჯგუფების ხელმძღვანელებმა სურენ აბრაამიანმა და რუბენ პეტროსიანმა. მესამე ეტაპში ჩართულმა თბილისის ჯგუფმა მონაწილეობა მიიღო ფრენბურთის შეჯიბრში, დაიკავა პირველი ადგილი და მიიღო სიგელი.

„არი ტუნ“ პროგრამის ფარგლებში ახალგაზრდებმა უკეთ გაიცნეს სომხეთის ისტორია, კულტურა, საზოგადოებრივი ცხოვრება, სასულიერო და ოჯახური ტრადიციები, შეიძინეს ახალი მეგობრები.

ახალგაზრდები „არი ტუნ“ პროგრამიდან დაბრუნდნენ თბილი და კეთილი მოგონებებით სომხეთში გატარებულ დღეებზე.