2015 წლის 1 ივნისს, ბავშვთა დაცვის საერთაშორისო დღეს, თბილისის ნოდარ დუმბაძის სახელობის სახელმწიფო ცენტრალურ საბავშვო თეატრში გაიმართა შეხვედრა ისნის რაიონის სოციალურად დაუცველი ოჯახების ბავშვებთან. ბავშვთა დღის მისალოცად იყვნენ მისული საქართველოს პარლამენტის წევრებიმა რუსლან პოღოსიანი, ილია ჯიშკარიანი, ისნის რაიონის გამგებელი ვახტანგ ქიზიყურაშვილი,ისნის რაიონის ბიუროს ხელმძღვანელი ნინო კვარაცხელია, ბიუროს წევრები პავლე ნადიბაიძე, ნანა ამირეჯიბი, მამუკა გოგსაძე, რაიონის პიარ-სამსახურის უფროსი ელენე დადიანი და სხვები.

2015 წლის 8 ივნისს, თბილისში იყო ჩამოსული სომხეთის მწერალთა კავშირის თავმჯდომარე ედვარდ მილიტონიანი, მწერალთა კავშირის დელეგაციის თანხლებით. ვიზიტის მიზანი ოვანეს თუმანიანის თბილისის ბინის სრული სახით საქართველოს სომეხთა ეპარქიისთვის გადაცემა იყო. სტუმრები, „ჰაიარტუნ " ცენტრში კომიტასისადმი მიძღვნილი გამოფენის დათვალიერების შემდეგ, ეწვივნენ ხოჯივანქის სომეხ მწერალთა და საზოგადო მოღვაწეთა პანთეონს და ყვავილებით შეამკეს სრულიად სომეხთა პოეტის, ოვანეს თუმანიანის, და ერის სხვა დიდებულთა საფლავები.

2015 წლის 7 ივნისს, სომეხთა სამოციქულო მართლმადიდებელმა წმიდა ეკლესიამ აღნიშნა მთავარ საკათედრო წმინდა ეჯმიაწინის დღესასწაული. საქართველოს სომეხთა ეპარქიაში დღესასწაული აღინიშნა თბილისის „სურბ ეჯმიაწინ“ ეკლესიაში. საქართველოს სომეხთა ეპარქიის წინამძღვარ ეპისკოპოს ვაზგენ მირზახანიანის წინამძღოლობით, სასულიერო პირთა მონაწილეობით, საღმრთო ლიტურგია აღავლინა მღვდელმა მანუკ ზეინალიანმა.

2015 წლის 6 ივნისს, ახალციხეში იყვნენ ჩასული მომლოცველთა ჯგუფები თბილისიდან, ნინოწმინდიდან, ახალქალაქიდან წმინდა გრიგოლ განმანათლებლის ვირაპიდან გამოსვლის დღესასწაულში მონაწილეობის მისაღებად. ქალაქის „სურბ გრიგორ ლუსავორიჩ“ ეკლესიაში საღმრთო ლიტურგია აღავლინა მღვდელმონაზონმა ჰაკობ საჰაკიანმა, იქადაგა სამცხე-ჯავახეთისა და წალკის საერთო ეპარქიალურმა ვიკარიუსმა არქიმანდრიტმა ბაბგენ სალბიანმა და ვერცხლის ჯვარი აჩუქა ეკლესიას. საღმრთო ლიტურგიის ბოლოს მორწმუნეებს მიმართა მისმა ყოვლადუსამღვდელოესობა ეპისკოპოსმა ვაზგენ მირზახანიანმა, ვისი წინამძღოლობითაც აკურთხეს ნაჩუქი ჯვარი. მომლოცველებმა დაათვალიერეს ახალციხის ღირსშესანიშნაობები, შემდეგ მონაწილეობა მიიღეს სიყვარულის სადილში (აგაპე) და დაბრუნდნენ თავიანთ სახლებში.