2016 წლის 8 ოქტომბერს, სომეხთა სამოციქულო მართლმადიდებელმა წმიდა ეკლესიამ აღნიშნა წმინდა მთარგმნელი ვარდაპეტების დღესასწაული. წმინდა მთარგმნელი ვარდაპეტების დღესასწაული ჭეშმარიტად სომეხი ხალხის ერთ-ერთი ყველაზე სანუკვარი და საყვარელი ეროვნულ-საეკლესიო დღესასწაულია.

2016 წლის 2 ოქტომბერს, საქართველოს სომეხთა ეპარქიის „ჰაიარტუნ“ ცენტრის გალუსტ გიულბენკიანის სახელობის დარბაზში გაიმართა ღია ლექცია თემაზე - „სომეხთა სამოციქულო და მართლმადიდებელი ეკლესიების დოგმატური განსხვავებები", რომელიც ჩაატარა საქართველოს სომეხთა ეპარქიის „სურბ გევორგ“ საკათედრო ტაძრის კანდელაკმა ღირსეულმა მღვდელმა მამა ნარეკ ღუშჩიანმა.

სომხეთის რესპუბლიკის დიასპორის სამინისტროს 2016 წლის პან-სომხური ფესტივალი მიეძღვნა სომხეთის რესპუბლიკის დამოუკიდებლობის 25-ე წლისთავს. საქართველოს სომეხთა ეპარქიის კულტურულ-საგანმანათლებლო და ახალგაზრდული „ჰაიარტუნ“ ცენტრის (დირექტორი: ლევონ ჩიდილიანი) შემოქმედებითმა ჯგუფებმა წელსაც დიდი ენთუზიაზმით მიიღეს მონაწილეობა ფესტივალის ფარგლებში ორგანიზებულ ღონისძიებებში. „ნერსეს შნორჰალი“ სიმღერის საყმაწვილო ანსამბლმა (ხელმძღვანელი: მარია აბულიანი, პიანისტი: კარენ მირზოიანი), „ტარონ“ ცეკვის ანსამბლმა (ქორეოგრაფი: სურენ აბრამიანი) დედა სამშობლოში სათანადო დონეზე წარმოადგინეს ეროვნული კულტურის შენარჩუნებისა და განვითარების საქმეში მიღწეული წარმატებები.

საქართველოს პრეზიდენტ გიორგი მარგველაშვილისა და სრულიად საქართველოს კათოლიკოს-პატრიარქის, ილია მეორის, მოწვევით 2016 წლის 30 ოქტომბერს,საქართველოში რომის პაპი ჩამოვიდა. პონტიფიკოსის ორდღიანი ვიზიტის ფარგლებში, საქართველოში მოწყობილ ღონისძიებებში მონაწილეობა მიიღო ასევე საქართველოს სომეხთა ეპარქიამ.