თბილისის სომხურ სათვისტომოში უკვე ლამაზ ტრადიციად იქცა ძირითადი ბარეკენდანის დღესასწაულის აღნიშვნა სომხური კერძის - ჰარისის ფესტივალით, რომლის ინიციატორად და ორგანიზატორად გამოდის საქართველოს სომეხ ქალთა „შუშანიკ“ კავშირი, საქართველოს სომეხთა ეპარქიის და „ჰაიარტუნ“ ცენტრის მხარდაჭერით. ფესტივალი ყოველწლიურად ფართოვდება და იქცევა სახალხო ზეიმად, რომელზეც სომეხი ქალი წარსდგება დიასახლისის მისი უნარით და სითბოთი მომზადებული აღნიშნული ეროვნული კერძით.

მიმდინარე წლის 13 თებერვალს, საქართველოს სომეხთა ეპარქიაში დიდი ზეიმით აღინიშნა მირქმის - ორმოცი დღის იესოს ტაძრად მიყვანის დღესასწაული. მთავარი საეკლესიო დღესასწაული დაიწყო თბილისის სურბ ეჯმიაწინ ეკლესიაში, საქართველოს სომეხთა ეპარქიის წინამძღვრის, მისი ყოვლადუსამღვდელოესობის ეპისკოპოს ვაზგენ მირზახანიანის წინამძღოლობით და სასულიერო დასის მონაწილეობით შესრულებული წინასადღესასწაულო ღონისძიებით. საღამოს ღვთისმსახურების შემდეგ შესრულდა „ანდასტანის“ ცერემონია, აკურთხეს სამყაროს ოთხი მხარე და სანთლები, ქრისტეს სინათლის სიმბოლოდ.

2015 წლის 13 თებერვალს, საქართველოში გერმანიის ფედერაციის საელჩოში საგანგებო და სრულუფლებიანი ელჩის ორთვინ ჰენიგის ინიციატივით გაიმართა შეხვედრა გერმანიის ფედერაციული რესპუბლიკის ბუნდესტაგის თავმჯდომარესთან დოქტორ ნორმერტ ლამმერტთან. შეხვედრაში მონაწილეობდნენ საქართველოს მართლმადიდებელი, რომაული კათოლიკე, გერმანული ლიუტერანული, ევანგელური ეკლესიების მაღალი რანგის სასულიერო პირები, ებრაული თემის რაბი და ეზიდთა თემის სულიერი ლიდერი.

2015 წლის 12 თებერვალს, სომეხთა სამოციქულო წმიდა ეკლესიის საქართველოს ეპარქიის „ჰაიარტუნ“ ცენტრში შედგა სომეხთა გენოციდის მე-100 წლისთავის ღონისძიებათა საკოორდინაციო საბჭოს რეგიონალური - საქართველოს კომიტეტის მე-5 სხდომა, გაფართოებული შემადგენლობით. გარდა კომიტეტის წევრებისა, სხდომის სამუშაოზე მოწვეულნი იყვნენ ასევე ახალქალაქისა და ნინოწმინდის რაიონების გამგებლები და საკრებულოთა თავმჯდომარეები.