"ტოლმის ფესტივალი 2015", ქართულ და სომხურ ენებზე ბანერი სომხური ტოლმის დასაგემოვნებლად იწვევდა ყველას. საქართველოს სომეხ ქალთა "შუშანიკ" კავშირის ინიციატივით, საქართველოს სომეხთა ეპარქიის მფარველობით, „ჰაიარტუნ“ ცენტრისა და ქველმოქმედთა მხარდაჭერით, 2015 წლის 28 ივნისს, თბილისის „სურბ ეჯმიაწინ“ ეკლესიის ეზოში გაიმართა ფესტივალი "ტოლმა-2015".

საქართველოს სომეხთა ეპარქიის "ჰაიარტუნ" ცენტრის გალუსტ გიულბენკიანის სახელობის დარბაზში 2015 წელს 27 ივნისს, გაიმართა ცენტრის დუდუკის (მასწავლებელი: ივანე მკრტჩიანი), დოლის (მასწავლებელი: რობერტ კაშავანიძე) და მხატვრული კითხვის (ხელმძღვანელი: მსახიობი სამველ ელბაკიანი) ჯგუფების ღია გაკვეთილი. მიზანი ერთი იყო - ეპარქიის თანამშრომელთათვის, სტუმრებისა და მშობლებისთვის ჯგუფების აღსაზრდელების ერთი წლის ნასწავლის წარმოდგენა.

ამა წლის 27 ივნისს, საქართველოს სომეხთა ეპარქიის წინამძღვარი მისი ყოვლადუსამღვდელოესობა ეპისკოპოსი ვაზგენ მირზახანიანი თბილისის საპატრიარქოში შეხვდა საქართველოს მართლმადიდებელი ეკლესიის კათალიკოს-პატრიარქს უწმინდესაა და უნეტარესს ილია მეორეს. მისმა ყოვლადუსამღვდელოესობამ უწმინდესს გადასცა ყოველთა სომეხთა კათოლიკოსის უწმინდესისა და უნეტარესის გარეგინ მეორის სამძიმრის წერილი, 14 ივნისს თბილისში მომხდარი წყალდიდობის დამანგრეველი შედეგებისა და ადამიანური მსხვერპლის გამო და გადასცა სომეხთა კათოლიკოსის კეთილი სურვილები საქართველოს კათოლიკოს-პატრიარქსა და სრულიად საქართველოს.

2015 წლის 26 ივნისს, საქართველოს სომეხთა ეპარქიის „ჰაიარტუნ“ ცენტრის გალუსტ გიულბენკიანის სახელობის დარბაზში გაიმართა "სურბ მოვსეს ხორენაცი“ საბავშვო ბაღის 2014-2015 სასწავლო წლის გამოსაშვები ჯგუფის გამოსამშვიდობებელი ზეიმი. ფერადი ბუშტებით გაფორმებული დარბაზის ცენტრში ამაყად ისხდნენ სომხურ ეროვნულ კოსტუმებში გამოწყობილი უფროსი ჯგუფის აღსაზრდელები.