2015 წლის 27 სექტემბერს, მთავარ საკათედრო წმინდა ეჯმიაწინში შესრულდა მირონის კურთხევა, მსოფლიოს ყველა კუთხიდან ჩამოსულმა ათასობით სომეხმა მიიღო მონაწილეობა წმიდა ცერემონიაში. საქართველოს სომხურმა სათვისტომომ, რომელსაც საუკუნეების განმავლობაში მტკიცე კავშირი აქვს წმინდა ეჯმიაწინთან, ახალციხიდან, ახალქალაქიდან, ნინოწმინდიდან, ბათუმსა და სომხებით დასახლებულ სხვა რეგიონებიდან და დედაქალაქ თბილისიდან ჩამოსულ 350 მორწმუნესა და სულიერ მოძღვრებთან ერთად, მონაწილეობა მიიღო წმინდა მირონის კურთხევის ცერემონიაში.

2015 წლის 20 სექტემბერს, საქართველოს სომეხთა ეპარქიის „სურბ ეჯმიაწინ“ ეკლესიაში საქართველოს სომეხთა ეპარქიის წინამძღვარ მის ყოვლადუსამღვდელოესობა ეპისკოპოს ვაზგენ მირზახანიანის საპატიო წინამძღოლობით, თავისი პირველი საღმრთო ლიტურგია აღავლინა სრულიად სომეხთა კათოლიკოს-პატრიარქის განკარგულებით და კურთხევით საქართველოს სომეხთა ეპარქიაში სასულიერო მსახურებაში დანიშნულმა მღვდელმა თორგომ ვარდანიანმა.

2015 წლის 20 სექტემბერს, საქართველოს სომეხთა ეპარქიის მარნეულის რაიონის სომხური თემების ახლად დანიშნულმა სულიერმა მოძღვარმა არქიმანდრიტმა ხორენ ჰოვანისიანმა, მისი პასტორალური ვიზიტის ფარგლებში, პირველი საღმრთო ლიტურგია აღავლინა შაუმიანის „სურბ ასტვაწაწინ“ ეკლესიაში. საღმრთო ლიტურგიაში მონაწილეობა მიიღო თბილისიდან ჩამოსულმა სულიერმა მღვდელმსახურმა მამა ჰუსიკ ჰარუთიუნიანმა, მგალობელთა გუნდთან ერთად.

2015 წლის 18 სექტემბერს, საჯარო სამართლის იურიდიული პირის „ნატოსა და ევროკავშირის შესახებ საინფორმაციო ცენტრის“ ინიციატივით და საქართველოს თავდაცვის სამინისტროს მხარადჭერით ახალგაზრდა მოხალისეები ესტუმრნნენ ეროვნულ თავდაცვის ცენტრს. ახალგაზრდა სტუმრებს შორის იყვნენ საქართველოს სომეხთა ეპარქიის ახალგაზრდობის საკითხთა განყოფილების (დირექტორი: ვალერი ბადალიანი) აკტივისტები, ახალგაზრდული პროგრამის კოორდინატორ ნინა სეროპოვას ხელმძღვანელობით. მოხალისეთა კლუბის წევრებს საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე საქართველოს ნატოში ინტეგრაციის პერსპექტივებზე, ამ პროცესში საქართველოს შეიარაღებული ძალების როლსა და ნატოსთან თავსებადობის გაზრდაზე ესაუბრა. გენერალური შტაბის უფროსმა სამხედრო-სამოქალაქო თანამშრომლობის მნიშვნელობაზეც გაამახვილა ყურადღება.