2015 წლის 22 ნოემბერს, საკვირაო ღვთისმსახურების შემდეგ, საქართველოს სომეხთა ეპარქიის „სურბ გევორგ“ საკათედრო ტაძრის ეზო ნამდვილ საცეკვაო მოედნად იქცა, სადაც დამსწრე საზოგადოებამ შეასრულა სომხური ტრადიციული „ქოჩარი“ .

2015 წლის 21 ნოემბერს ხალხმრავლობა იყო საქართველოს სომეხთა ეპარქიის „ჰაიარტუნ“ ცენტრის გალუსტ გიულბენკიანის სახელობის დარბაზში. ცნობილი პოეტის, მარინა კირაკოსიან-მოსესოვას, პოეზიის ხიბლმა აქ შეკრიბა პოეტური სიტყვის გულშემატკივრები.

საქართველოს სომეხთა ეპარქიის „სურბ გრიგორ ნარეკაცის“ სახელობის სომხური ენის სწავლების ერთდღიანი სკოლის ისტორიის გაკვეთილები ჩვეულებრივ ტარდება „ჰაიარტუნ“ ცენტრის „ვარდან ჯინიშიანის ხსოვნის“ საკლასო ოთახში, 2015 წლის 21 ნოემბერს კი ჩატარდა ღია ცის ქვეშ - თბილისის „სურბ გევორგ“ ეკლესიის ეზოში. გაკვეთილის თემა იყო სომხური ეკლესიები, კერძოდ, „სურბ გევორგ“ საკათედრო ტაძარი. საქართველოს სომეხთა ეპარქიის განათლების განყოფილების დირექტორის, ევგენია მარკოსიანის, და ახალგაზრდობის საქმეთა განყოფილების დირექტორის, ვალერი ბადალიანის, ინიციატივით, სომხური ენის მასწავლებელმა თამარა გაბოიანმა და ისტორიის მასწავლებელმა რევიკ კარაპეტიანმა ეკლესიაში ისაუბრეს სურბ გევორგის დაარსების, თბილისელი სომხების ცხოვრებაში მისი შესრულებული როლის და გაწეული საქმიანობის შესახებ. ახალგაზრდებმა ყურადღებით მოისმინეს სომეხი მთავრის - უმეკის მიერ მე -13 საუკუნეში დაარსებული ეკლესიის ისტორია, მოიხიბლნენ იმ ეკლესიის სილამაზით, რომელიც ასწლეულების მანძილზე თბილისის სომხობის მფარველია და საყვარელი სამლოცველო.

2015 წლის 14 ნოემბერს, საქართველოს სომეხთა ეპარქიის „ჰაიარტუნ“ ცენტრის გალუსტ გიულბენკიანის სახელობის დარბაზში გაიხსნა ნიჭიერი, მრავალმხრივი შემოქმედის, არმენ ჰოვანისიანის "თოჯინების სამყარო“ სათაურით პირველი პერსონალური გამოფენა. გამოფენას დასწრებით პატივი დასდეს საქართველოში სომხეთის საელჩოს მეორე მდივანმა, კულტურის საკითხების პასუხისმგებელმა ელინა მკრტჩიანმა, საელჩოს მრჩეველმა კარენ მელიქიანმა, საქართველოს მწერალთა კავშირის თანათავმჯდომარე ბაღათერ არაბულმა, ჟურნალ "ცისკარის" რედაქტორმა ამირან გომართელმა, თბილისის ხელოვნების მოყვარული საზოგადოების წარმომადგენლებმა.