2014 թվականի դեկտեմբերի 3-ին Վիրահայոց թեմի առաջնորդի Թբիլիսիի Սուրբ Էջմիածին եկեղեցու նստավայրում կայացավ Վրաստանի կրոնական խորհրդի անդամների հերթական հանդիպումը:Հանդիպմանը մասնակցում էին Անդրկովկասի լատինական կաթոլիկների առաքելական վարչության առաջնորդ Գերաշնորհ Տեր Ջուզեպպե արքեպիսկոպոս Պազոտտոն, Վրաստանում Ավետարանական-Բապտիստական Եկեղեցու առաջնորդ Գերաշնորհ Մերաբ եպիսկոպոս Գափրինդաշվիլին, Վրաստանում Ավետարանական-լյութերական Եկեղեցու առաջնորդ Գերաշնորհ Տեր Հանս Իոահիմ եպիսկոպոս Կիդերլենը և Հայ Առաքելական Ուղղափառ Սուրբ Եկեղեցու Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանը:

Վիրահայոց թեմի երիտասարդական բաժնի (տնօրեն Վալերի Բադալյան) նախաձեռնությամբ և Վիրահայոց թեմի աջակցությամբ մայրաքաղաքի դպրոցների շրջանում անցկացվեց «Հայարտուն» գավաթի խաղարկության ֆուտբոլի մրցաշար: Մասնակցության հայտ էին ներկայացրել Թբիլիսիի թիվ 81, 84, 92, 96, 98 և 104 հանրային դպրոցների 9-ից 11-րդ դասարանների աշակերտներից կազմված պատանի ֆուտբոլիստների թիմերը:

Ընթացիկ տարվա նոյեմբերի 27-ին, Վիրահայոց Թեմի «Հայարտուն» կենտրոնում կայացավ կենտրոնի ասմունքի խմբակի բաց դասը (խմբակի ղեկավար՝ Պետրոս Ադամյանի անվան հայպետդրամայի թատրոնի դերասան Սամվել Էլբակյան): Դասը նվիրված էր աշնանը: Տարվա այս եղանակը երգել ու տարբեր ժանրի ստեղծագործություններ են նվիրել հայ պոետական գրչի նվիրյալները: Եվ ահա խմբակի ուսուցչի անբասիր աշխատանքով 13 հայ դեռահասներ դահլիճում հավաքվածներին նվիրեցին հայ գրականության այդ գոհարների գեղարվեստական ընթերցումը:

2014 թվականի նոյեմբերի 23-ին «Կիրակնօրյա կինոսրահ» շարքից Վիրահայոց թեմի «Հայարտուն» կենտրոնի Գալուստ Գյուլբենկյան սրահում կայացավ ճանաչված կինոռեժիսոր և անիմատոր Արմեն Ռոնովի «Ձմեռվա խնձորը» կինոնկարի շնորհանդեսը: