Այս խորագիրն էր կրում 2015 թվականի մարտի 29-ին Վիրահայոց թեմի «Հայարտուն» կենտրոնի Գալուստ Գյուլբենկյանի անվան սրահում տեղի ունեցած գրական-երաժշտական երեկոն: Միջոցառումը կազմակերպել էր հայոց լեզվի և գրականության վաստակաշատ ուսուցչուհի Ռոզա Զոհրաբյանը՝ «Հայարտուն» կենտրոնի աջակցությամբ: Մասնակիցները՝ Թեմի Սուրբ Եղիա մարգարեի անվան կիրակնօրյա դպրոցի սաներն էին:

2015 թվականի մարտի 29-ին Հայ Առաքելական Ուղղափառ Սուրբ Եկեղեցին նշեց Ծաղկազարդը՝ Հիսուս Քրիստոսի հաղթական մուտքը Երուսաղեմ: Այդ տոնը Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի կողմից տարիներ առաջ հռչակվել է մանուկների օրհնության օր:

Ընթացիկ տարվա մարտի 28-ին, Վրաստանի Ավետարանական-Մկրտական Եկեղեցու Խաղաղության մայր տաճարում հավատացյալների և երգչախմբերի հետ համատեղ կայացավ Հայոց Ցեղասպանության զոհերի հիշատակը ոգեկոչող միջոցառում:

Ընթացիկ տարվա մարտի 25-28-ը Թբիլիսիում հյուրընկալվեց «Մխիթար Սեբաստացի» կրթահամալիրի աշակերտների, ուսուցիչների, ծնողների խումբը՝ տնօրեն Աշոտ Բլեյանի գլխավորությամբ: Կրթահամալիրը համագործակցության կապեր ունի Թբիլիսիի հանրակրթական դպրոցների հետ, որն ամրապնդվում է փոխադարձ այցելություններով և սերունդների միջև հարաբերությունների և բարեկամական կապերի հաստատմամբ: Այս անգամ սեբաստացիները Թբիլիսիի էին ժամանել Վրաստանի ուսուցիչների ազատ արհմիության Թբիլիսիի Գլդանի կազմակերպության պատասխան հրավերով: