«Թբիլիսահայերի վեհաժողով» հասարակական կազմակերպության նախաձեռնությամբ, 2015 թվականի մարտի 1-ին, Վիրահայոց թեմի «Հայարտուն» կենտրոնում կայացավ հանդիպում Վրաստանի հայրենասերների դաշինքի առաջնորդ Դավիթ Թարխան – Մոուրավիի հետ:

ՀԱՂՈՐԴԱԳՐՈՒԹՅՈՒՆ Գերագույն հոգևոր խորհրդի ժողով Մայր Աթոռ Սուրբ Էջմիածնում Փետրվարի 24-26-ը Մայր Աթոռ Սուրբ Էջմիածնում, Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի նախագահությամբ, գումարվեց Գերագույն հոգևոր խորհրդի ժողով` ընդլայնված կազմով: Ժողովն սկսվեց Ամենայն Հայոց Կաթողիկոսի օրհնության և գնահատանքի խոսքով: Նորին Սրբությունը նկատեց, որ Հայոց Ցեղասպանության 100-րդ տարելիցի նվիրական տարվա առաջին ժողովն է գումարվել, որի օրակարգում ընդգրկված են տարելիցին առնչվող արարողությունների կազմակերպչական հարցեր, եկեղեցական-թեմական զանազան խնդիրներ:

Հայ մեծ զորավար Անդրանիկ Օզանյանի ծննդյան 150-ամյակը հավուր պատշաճի նշվեց Վիրահայոց թեմի «Հայարտուն» կրթա-մշակութային և երիտասարդության կենտրոնում: Ազգային հերոս, Հայ Ազատագրական շարժման առաջնորդ մեծն Անդրանիկի ծննդյան օրը, փետրվարի 25-ին, Կենտրոնի Գալուստ Գյուլբենկյան դահլիճի մթնոլորտը հագեցած էր նրա հայրենաշունչ ոգով: Բազմամարդ դահլիճում հավաքվել էին տարբեր հասակի մարդիկ՝ իրենց խոնարհումը բերելու լեգենդար հերոսի անմահ հիշատակին, ոգեկոչելու հայդուկ-հայդուկապետի քաջագործությունները:

Փետրվարի 19-ը Ամենայն հայոց բանաստեղծ Հովհաննես Թումանյանի ծննդյան օրն է: Ամեն տարվա նման, այս անգամ էլ  թբիլիսահայությունն իր   այցելությամբ   հայ գրողծների և հասարակական գործիչների Խոջիվանքի  պանթեոն, որտեղ  ամփոփված  է  Մեծ Լոռեցու  աճյունը, իր սիրո և հարգանքի  տուրքը  մատուցեց   ժողովրդական մեծ բանաստեղծին ու իր խոնարհումը  բերեց նրա հիշատակի առջև:  Մեծն Թումանյանի տապանաքարի  մոտ,  Վիրահայոց թեմի առաջնորդի հանդիսապետությամբ և  հոգևոր դասի մասնակցությամբ կատարվեց հոգեհանգստյան կարգ: