2013 թվականի հոկտեմբերի 18-ին Վրաստանի նախագահի թեկնածու՝ Շալվա Նաթելաշվիլին հյուրընկալվում էր «Հայարտուն» կրթա-մշակութային եւ երիտասարդական կենտրոնում, որտեղ նա հանդիպեց Վրաստանի հայ համայնքի ներկայացուցիչների հետ: «Հայարտան» կողմից կազմակերպված հանդիպում–բանավեճերի շարքի շրջանակներում տիկին Նինո Բուրջանաձեից հետո, պարոն Շալվան երկրորդ նախագահի թեկնածուն էր, ով իր ընտրարշավի կոնտեքստում հանդիպեց հայ համայնքի հետ:

Հոկտեմբերի 15-ին, Վիրահայոց թեմի «Հայարտուն» կենտրոնում կայացավ ժողովրդական նվագարանի՝ դհոլի դասարանի հանդիսավոր բացումը: ՀՀ Սփյուռքի նախարարության օժանդակությամբ և Վիրահայոց թեմի «Հայարտուն» կենտրոնի աջակցությամբ, թբիլիսահայ 7-15 տարեկան հասակի պատանիներին հնարավորություն ընձեռվեց սովորել հայ ազգային նվագարան դհոլ նվագելու վարպետությունը:

Հոկտեմբերի 13-ին, Վիրահայոց թեմի «Հայարտուն» կենտրոնի Գալուստ Գյուլբենկյան սրահում կայացավ «Հայկական վերածնունդ. միջնադարյան գրականություն և երաժշտություն» խորագրով գրական-երաժշտական երեկո, որը կազմակերպել էին Թբիլիսիի հայ մտավորականների միությունը և Թբիլիսյան հայերի Ասամբլեան՝ Վիրահայոց թեմի «Հայարտուն» կենտրոնի աջակցությամբ և նվիրվեց Թարգմանչաց տոնին:

Վիրահայոց թեմի հոգևոր դասի, պաշտոնեության, հավատացյալների, ստեղծագործական միությունների և թեմական կառույցների աշխատակազմի անունից, շնորհավորում ենք Վիրահայոց թեմի Սամցխե - Ջավախքի և Ծալկայի առաջնորդական ընդհանուր փոխանորդ Տ. Բաբգէն վարդապետ Սալբիյանին՝ մասնավոր վարդապետության չորս աստիճաններ ստանալու կապակցությամբ: