Ապրիլի մեկին Վիրահայոց թեմի «Հայարտուն» կենտրոնի ցուցասրահում բացվեց թբիլիսահայ ճանաչված նկարիչ Գարեգին Միրզոևի աշխատանքների անհատական ցուցահանդեսը, որը կազմակերպել էր Վրաստանի հայ նկարիչների միությունը «Հայարտուն» կենտրոնի աջակցությամբ: Ցուցահանդեսին ներկայացված էին շնորհաշատ արվեստագետի յուղաներկ, խեցեգործական և խճանկարչական աշխատանքները: Ցուցահանդեսը բացեց Վիրահայոց թեմի մշակույթի բաժնի տնօրեն,«Հայարտուն» կենտրոնի համակարգող Լևոն Չիդիլյանը: Նա Խորհրդային Միության նկարիչների միության անդամ Գարեգին Միրզոևին շնորհավորեց Թբիլիսիում երկրորդ անհատական ցուցահանդեսի կապակցությամբ:

2014 թվականի մարտի 30-ին Վիրահայոց թեմի «Հայարտուն» կենտրոնի Գալուստ Գյուլբենկյան սրահում կայացած համերգի գլխավոր նվագարանը ջութակն էր, իսկ կատարողները՝ Թբիլիսիի Վանո Սարաջիշվիլու անվան պետական կոնսերվատորիայի պրոֆեսոր, լարային երաժշտության ամբիոնի վարիչ Էռնստ Առաքելովի ջութակի դասարանի սաները: «Հայարտուն» կենտրոնի աջակցությամբ Վրաստանի հայ երաժիշտների միության կազմակերպած միջոցառման նպատակն էր ցույց տալ ջութակահարի մասնագիտություն ընտրած կոնսերվատորիայի ուսանողների կողմից համաշխարհային երաժիշտների ստեղծագործությունների վարպետ կատարումները:

Մարտի 28-ին կայացավ ՀՀ սփյուռքի նախարարության, Համաշխարհային հայկական կոնգրեսի և Ռուսաստանի հայերի միության համատեղ իրականացվող «Հայապահպանության գործում նշանակալի ավանդի համար» 2013 թվականի մրցանակաբաշխության արդյունքների ամփոփման և դիպլոմների հանձնման հանդիսավոր արարողությունը:

Մարտի 29-ին Վիրահայոց թեմի «Հայարտուն» կենտրոնում կայացավ «Արցախ...մեկ հայացքով» խորագրով գունապատկերների (սլայդների) շոու, որի վարողը մանրանկարչուհի Գոհար Հակոբյանն էր: Հավաքելով և դասդասելով Արցախ իր ճանապարհորդության ժամանակ կատարած նկարահանումները և տեսագրությունները, նաև խորացնելով գիտելիքները ազգի պատմությունից, Գոհար Հակոբյանը շուրջ երկու ժամ տևողությամբ շոուի ընթացքում Ճանաչված մանրանկարչուհի Գոհար Հակոբյանը թբիլիսահայ հասարակայնության առջև ներկայացավ այլ ամպլուայով: Տարիներ առաջ իրականացնելով վաղեմի երազանքը՝ շրջագայությունը Արցախում, նա նպատակադրվել էր իր զգացածն ու ապրածը կիսել թբիլիսահայ հասարակայնության հետ: