საქართველოს სომეხთა ეპარქიის „სურბ გევორგ“ საკათედრო ტაძრის სულიერი მოძღვრის, ღირსეული მღვდლის, სამველ თოროსიანის ინიციატივით, 2016 წლის 24-26 ივნისს, 30-მდე თბილისელი სომეხი მორწმუნე, საქართველოს სომეხთა ეპარქიის წინამძღვრის, მისი ყოვლადუსამღვდელოესობის ეპისკოპოს ვაზგენ მირზახანიანის კურთხევის და საუკეთესო სურვილების მიღების შემდეგ, მომლოცველობაზე გაემგზავრა სომხეთის ისტორიული მონასტრებისკენ.

2016 წლის 2 ივლისს, საქართველოს სომეხთა ეპარქიის „ჰაიარტუნ“ ცენტრის გალუსტ გიულბენკიანის სახელობის დარბაზში გაიმართა იტალიური სიმღერის საღამო. ეს არ არის პირველი შემთხვევა, რომ ამ სომხურ კულტურულ ცენტრში წარმოადგენენ ასევე უცხოენოვან სიმღერას და მუსიკას. მხარი დაუჭირა რა იდეის ავტორს, რეჟისორ კარინა მეგერიან-ჟიზნევსაკაიას ინიციატივას, განათლებისა და კულტურის ცენტრმა მაყურებელს წარუდგინა იტალიური სიმღერის მყუდროკონცერტი, რომელსაც ესწრებოდნენ საქართველოს სომეხთა ეპარქიის წინამძღვარი მისი ყოვლადუსამღვდელოესობა ეპისკოპოსი ვაზგენ მირზახანიანი, წინამძღვრის თანაშემწე, არქიმანდრიტი ხორენ ჰოვანისიანი, ხელოვნების დამფასებლები და უბრალოდ სიმღერისა და მუსიკის მოყვარულები.

2016 წლის 3 ივლისს, სომეხთა სამოციქულო წმიდა ეკლესიამ აღნიშნა ხუთ მთავარ დღესასწაულთაგან ერთი - იესო ქრისტეს ფერისცვალების დღესასწაული, რაც საქართველოს სომეხთა ეპარქიის ეკლესიებში აღინიშნა საღმრთო ლიტურგიით.

2016 წლის 1 ივლისს, საქართველოს სომეხთა ეპარქიის „ჰაიარტუნ“ ცენტრის გალუსტ გიულბენკიანის სახელობის დარბაზში გაიმართა "სურბ მოვსეს ხორენაცი" სკოლამდელი დაწესებულების 2015-2016 სასწავლო წლის გამოშვების ბავშვების გაცილების ზეიმი. საზეიმოდ მოწყობილ დარბაზში ამაყად ისხდნენ სომხურ ეროვნულ კოსტიუმებში გამოწყობილი უფროსი ჯგუფის აღსაზრდელები, მათ გარშემო კი ისხდნენ მათი მეგობრები, რომლებიც ელოდნენ მეგობრების გამოსამშვიდობებელ სიტყვას.