მიმდინარე წლის 24 დეკემბერს, საქართველოს პრემიერ-მინისტრი ირაკლი ღარიბაშვილი შეხვდა საქართველოშო მოქმედი ოთხი რელიგიური კონფესიის: სომეხთა სამოციქულო და კათოლიკური ეკლესიების, მუსულმანური და ებრაული თემების ლიდერებს.

2014 წლის 22 დეკემბერს, საქართველოს სომეხთა ეპარქიის „ჰაიარტუნ“ ცენტრის ვარდან ჯინიშიანის სახელობის დარბაზში გაიმართა ეპარქიის სასულიერო პირთა წლის შემაჯამებელი კრება. შეხვედრის დასაწყისში თბილისის „სურბ ეჯმიაწინ“ ეკლესიაში აღევლინა ლოცვა.

მიმდინარე წლის 14 დეკემბერს, საქართველოს სომეხთა ეპარქიის „ჰაიარტუნ“ ცენტრის გალუსტ გიულბენკიანის სახელობის დარბაზში გაიმართა საღამო, მიძღვნილი სასულიერო და საერო ცხოვრებაში სომეხი ქალის როლისადმი. ღონისძიების ინიციატორი იყო საქართველოს სომეხ ქალთა „შუშანიკ“ კავშირი, საქართველოს სომეხთა ეპარქიის სამღვდელოებასთან თანამშრომლობით. ღონისძიებას ესწრებოდა საქართველოში სომხეთის რესპუბლიკის საგანგებო და სრულუფლებიანი ელჩის, იური ვარდანიანის, მეუღლე - ქალბატონი ელეონორა ვარდანიანი.

მიმდინარე წლის 13 დეკემბერს, საქართველოს სომეხთა ეპარქიის „ჰაიარტუნ“ ცენტრის გალუსტ გიულბენკიანის სახელობის დარბაზში საქართველოს ახალგაზრდა დიპლომატთა კლუბისა და საქართველოს სომეხთა ეპარქიის ახალგაზრდობის საკითხთა განყოფილების თანამშრომლობის ფარგლებში გაიმართა შეხვედრა სომეხი ახალგაზრდობის წარმომადგენლებთან. შეხვედრა მიეძღვნა ევროკავშირისა და საქართველოს ინტეგრაციის თემას.