2014 წლის 12 დეკემბერსსაქართველოს სომეხთა ეპარქიის „ჰაიარტუნ“ცენტრის გალუსტ გიულბენკიანის სახელობის დარბაზში გაიხსნა ნერსისიან სკოლის დაარსებიდან 190 წლისადმი მიძღვნილი დოკუმენტური მასალის გამოფენა, რომელიც ორგანიზებული იყო საქართველოს სომეხთა ეპარქიის კულტურულ-საგანმანათლებლო „ჰაიარტუნ“ცენტრის მიერ, სომხეთის რესპუბლიკის ეროვნულ არქივთან თანამშრომლობით და გალუსტ გიულბენკიან ფონდის მხარდაჭერით. გამოფენის გახსნას ესწრებოდნენ სრ ეროვნული არქივის თანამშრომლები, თბილისის სომხური საზოგადოებრიობის წარმომადგენლები.

სომხეთის რესპუბლიკის პრემიერ-მინისტრი ჰოვიკ აბრაჰამიანი, საქართველოში ოფიციალური ვიზიტის ფარგლებში, 2014 წლის 12 დეკემბერს, სრ სამთავრობო დელეგაციასთან ერთად ეწვია თბილისის სომეხ მწერალთა და საზოგადო მოღვაწეთა ხოჯივანქის პანთეონს.

ახალგაზრდა თაობისათვის ქალაქის ისტორიის გაცნობის მიზნით, მიმდინარე წლის 3 დეკემბერს, საქართველოს სომეხთა ეპარქიის ახალგაზრდობის საკითხთა განყოფილების დირექტორის ვალერი ბადალიანის ხელმძღვანელობით და ქორმაისტერ მარია აბულიანის თანხლებით „ნერსეს შნორჰალი“ ანსამბლის წევრები ეწვივნენ თბილისის ეროვნულ მუზეუმს.

2014 წლის 7 დეკემბერს თბილისის „სურბ ეჯმიაწინ“ ეკლესიაში საქართველოს სომეხთა ეპარქიის წინამძღვრის მისი ყოვლადუსამღვდელოესობის ეპისკოპოს ვაზგენ მირზახანიანის წინამძღოლობით აღევლინა საკვირაო საღმრთო ლიტურგია. ცერემონიას ესწრებოდნენ საქართველოში სომხეთის რესპუბლიკის საგანგებო და სრულუფლებიანი ელჩი იური ვარდანიანი, მეუღლესთან ერთად, საქართველოს პარლამენტის წევრი რუსლან პოღოსიანი, სომხური სათვისტომოსა და საზოგადოებრიობის წარმომადგენლები.