მიმდინარე წლის 4 ნოემბერს თბილისის საკრებულოს თავმჯდომარემ გიორგი ალიბეგაშვილმა თავის რეზიდენციაში მიიღო საქართველოს სომეხთა ეპარქიის წინამძღვარი მისი ყოვლადუსამღვდელოესობა ეპისკოპოსი ვაზგენ მირზახანიანი. შეხვედრას ესწრებოდა ასევე საქართველოს სომეხთა ეპარქიის სამართლებრივ და თანამშრომლობის საკითხთა განყოფილების დირექტორი ლევონ ისახანიანი.

"თბილისო, შენ მუზა ხარ“, ასეთ სათაურს ატარებდა საღამო, რომელიც გაიმართა 2014 წლის 25 ოქტომბერს საქართველოს კომპოზიტორთა კავშირში. ღონისძიების ინიციატორი თბილისში ცნობილი ხელოვანი და კოლექციონერი ალექსანდრე პირადოვი იყო, საქართველოს კომპოზიტორთა კავშირისა და საქართველოს სომეხთა კავშირის მხარდაჭერით. ღონისძიებას ესწრებოდნენ საქართველოს სომეხთა ეპარქიის წინამძღვარი მისი ყოვლადუსამღვდელოესობა ეპისკოპოსი ვაზგენ მირზახანიანი, პოეტი და მთარგმნელი გივი შაჰნაზარი, საქართველოს სომეხთა კავშირის თავმჯდომარე ჰენრიხ მურადიანი, გაზეთ „ვრასტანის“ რედაქტორი ვან ბაიბურთიანი, ხელოვნების და მუსიკის მოყვარული სომეხი და ქართველი საზოგადოებრიობის წარმომადგენლები.

2014 წლის 31 ოქტომბერს საქართველოს სომეხთა ეპარქიის „ჰაიარტუნ“ ცენტრის „ნერსეს შნორჰალი“ საბავშვო გუნდი, ცენტრის წარმომადგენლებისა და გადამღები ჯგუფის შემადგენლობით ეწვია მარნეულის რაიონის სოფელ წითელს. გასვლითი ღონისძიების მიზანი სომხებით კომპაქტურად დასახლებულ დასახლებებში სომხური კულტურის პოპულარიზაცია და ადგილზე სიმღერისა და ცეკვის ანსამბლების შექმნაა.

2014 წლის 21-23 ოქტომბერს, საქართველოს სომეხთა ეპარქიის ახალგაზრდობის საკითხთა განყოფილების 20 აქტიური წევრისგან შემდგარი ჯგუფი, განყოფილების დირექტორის ვალერი ბადალიანის ხელმძღვანელობით იმყოფებოდა მთიანი ყარაბაღის რესპუბლიკაში. ვიზიტის მიზანი საქართველოს სომეხთა ეპარქიის გარშემო გაერთიანებული თბილისელი და საქართველოს სომხებით დასახლებული რეგიონების ახალგაზრდებისათვის ისტორიული სომხეთისა და არცახის სულიერი და კულტურული ძეგლების და არცახის გმირული მოსახლეობის გაცნობა იყო. ვიზიტი განხორციელდა სომხეთის რესპუბლიკის სპორტისა და ახალგაზრდობის საქმეთა სამინისტროს ეგიდით, რისთვისაც საქართველოს სომეხთა ეპარქია და მისი ახალგაზრდობის საკითხთა განყოფილება მადლობას უხდის სამინისტროს.