ამა წლის 17 სექტემბერს საქართველოს პარლამენტის ეროვნული ბიბლიოთეკის საგამოფენო დარბაზში ორგანიზებული სომეხი და ქართველი მხატვრების გამოფენა-გაყიდვით დაიწყო სომხეთის რესპუბლიკის დამოუკიდებლობის 22-ე წლისთავისადმი მიძღვნილი საზეიმო ღონისძიებების ციკლი. ღონისძიების ინიციატორია საქართველოს სომეხ მხატვართა კავშირი, საქართველოს მხატვართა კავშირის, საქართველოს სომეხ მუსიკოსთა კავშირის, საქართველოს სომეხთა ეპარქიის „ჰაიარტუნ“ ცენტრთან ერთობლივად და საქართველოში სომხეთის რესპუბლიკის საელჩოსთან თანამშრობლობით. გამოფენაზე წარმოდგენილია საქართველოს 31 სომეხი და ქართველი სხვადასხვა ასაკის მხატვრების დაახლოებით 40 ნამუშევარი. გამოფენის გახსნის ცერემონიას ესწრებოდა საქართველოში სომხეთის რესპუბლიკის საგანგებო და სრულუფლებიანი ელჩი ბატონი ოვანეს მანუკიანი.

17 სექტემბერს უწმინდესისა და უნეტარესის ყოველთა სომეხთა კათოლიკოს-პატრიარქის გარეგინ მეორის საპატიო წინამძღოლობით აკურთხეს ახალი ნახიჯევანისა და რუსეთის სომეხთა ეპარქიის ახალადაშენებული საკათედრო ტაძარი და შედგა საკათედრი საეკლესიო კომპლექსის გახსნის ცერემონიალი.

16 სექტემბერს საქართველოში დაირეკა ახალი, 2013-2014 სასწავლო წლის მაუწყებელი პირველი ზარი. დღე საზეიმო იყო ასევე თბილისის სომხური მოსახლეობისთვის, რომელთა შორის არიან ისეთები, ვისი შვილებიც სომხურ სკოლებში სწავლობენ.

საქართველოს სომეხთა ეპარქიაში სათანადოდ აღინიშნა სომეხთა სამოციქულო წმიდა ეკლესიის ხუთ ძირითად დღესასწაულთაგან უკანასკნელი - ჯვართამაღლება ანუ ჯვრის აღმაღლების დღესასწაული.