ყოველ წელს აჭარის სომეხი ახალგაზრდები, ტრადიციის თანახმად, მონაწილეობენ სრ დიასპორის სამინისტროს პროგრამაში „არი ტუნ“. ისინი მიემგზავრებიან დედა სამშობლოში, ეცნობიან ღირშესანიშნაობების, ცხოვრობენ სომხურ ოჯახებში, უმეგობრდებიან მთელს მსოფლიოში გაფანტულ სომეხ თანატოლებს. 2013 წლის 6 ივლისს ღამით ახალგაზრდები ბათუმის "სურბ ფრკიჩ“ („წმინდა მაცხოვრის“) ეკლესიაში დასწრნენ ღვთისმსახურებას, მათ მიიღეს მღვდელ არარატ გუმბალიანის კურთხევა. მოძღვარმა მოუწოდა ახალგაზრდებს დედა სამშობლოში თავი არ იგრძნონ როგორც ტურისტები, არამედ - როგორც მომლოცველები.

5-6 ივლისს სომხეთის რესპუბლიკის მეცნიერებათა ეროვნული აკადემიის სხდომათა დარბაზში გაიმართა სომხეთის რესპუბლიკის დიასპორის სამინისტროსა და ყოველთა სომეხთა იურისტთა ასამბლეის მიერ ორგანიზებული იურისტების ყოველთა სომეხთა მეორე ფორუმი, რომელშიც მონაწილეობას იღებდა 100 ცნობილი იურისტი სომხეთიდან, დიასპორასა და არცახიდან. ფორუმს ესწრებოდა ასევე სომეხთა სამოციქულო ეკლესიის საქართველოს ეპარქიის წინამძღვრის მრჩეველი და ეპარქიის იურიდიული განყოფილების პასუხისმგებელი ლევონ ისახანაიანი.

წელს, 7 ივლისს სომეხთა სამოციქულო ეკლესიამ აღნიშნა ვარდავარის დღესასწაული. დღესასწაული აღინიშნა ახალციხის ხელოვნური ტბის ამფიტეატრში შემდგარი კონცერტით, რომელშიც მონაწილეობდნენ სხვადასხვა რაიონებიდან ჩამოსული და სომეხთა სომოციქულო ეკლესიის საქართველოს ეპარქიასთან არსებული „ჰაიარტუნ“ ცენტრის ცეკვის ანსამბლები. კონცერტის დაწყებამდე ახალციხის „სურბ გრიგორ ლუსავორიჩ“ ეკლესიაში აღევლინა ვარდავარის საზეიმო ღვთისმსახურება, რომლის დასასრულს ეკლესიის ეზოში ახალგაზრდებმა ტრადიციული წუწაობა გამართეს.

9 ივლისს ერევნის ჰაკობ პარონიანის სახელობის მუსიკალური კომედიის თეატრის დარბაზში შედგა სრ დიასპორის სამინისტროს - დიასპორის ახალგაზრდების სომხეთში გაცნობითი ვიზიტების “არი ტუნ“ პროგრამის მესამე ეტაპის გახსნის საზეიმო ცერემონია.