29 ივნისს, საქართველოში სომეხთა ეპარქიის „ჰაიარტუნ“ ცენტრში გაიმართა შესანიშნავი ღონისძიება, რუბრიკით «Souvenirs”, რომელიც ინიცირებული იყო „გარი დავთიან“–ის თოჯინებისა და კულტურის სახლის მიერ. ღონისძიებას ესწრებოდნენ ხელოვნების მოყვარე საზოგადოების უმთავრესად რუსულენოვანი წარმომადგენლები.

29 ივნისს, საქართველოში სომეხთა ეპარქიისა და „ჰაიარტუნ“ ცენტრის გასვლით სასულიერო-კულტურულ ღონისძიებათა ფარგლებში, თეთრიწყაროს რაიონის სოფელ სამშვილდეს 1844 წელს აგებულ „სურბ ფრკიჩ“ (წმიდა მაცხოვრის) ეკლესიაში, საქართველოში სომეხთა ეპარქიის წინამძღვრის ეპისკოპოს ვაზგენ მირზახანიანის საპატიო მონაწილეობით ღვთისმსახურება აღევლინა. წირვას ესწრებოდნენ თბილისიდან ჩამოსული სულიერი ინსპექტორი გევორგ ანტონიანი, „ჰაიარტუნ“ ცენტრის კოორდინატორი ლევონ ჩიდილიანი, წინამძღვრის მრჩეველი ლევონ ისახანიანი, ტექნოლოგიური განყოფილების ხელმძღვანელი ვალერი ბადალიანი, სამეურნეო საკითხების დირექტორი კარენ ერიციანი. სამშვილდეში იმყოფებოდა აგრეთვე „ჰაიარტუნ“ ცენტრის ქველმოქმედი, რუსეთში მცხოვრები ჩვენი თანამემამულე ბორის სააკოვი.

30 ივნისს, საქართველოში სომეხთა ეპარქიის თბილისის „სურბ ეჯმიაწინ“ ეკლესიის ეზოში ჩატარდა სომხური ეროვნული კერძის „ტოლმა-2013“ ფესტივალ-კონკურსი. მისი ინიციატორი იყო საქართველოს სომეხ ქალთა კავშირი „შუშანიკ“, „ჰაიარტუნ“ ცენტრის მხარდაჭერით და საქართველოში სომხეთა ეპარქიის მფარველობით. გემრიელი ტოლმის სურნელი გავრცელებული იყო მთელ ავლაბარში. ქალბატონების მაგიდები გაწყობილი იყო დაახლოებით 15-ზე მეტი სახეობის ტოლმით. ფესტივალ-კონკურსის მიზანი იყო სომხური ეროვნული კერძის პოპულარიზაცია და გავრცელება.

29 ივნისს საქართველოში სომეხთა ეპარქიის „ჰაიარტუნ“ კულტურის ცენტრის გალუსტ გიულბენკიანის სახელობის დარბაზში გაიმართა ცენტრის „სურბ მოვსეს ხორენაცის“ (წმინდა მოსე ხორენელის) სახელობის საბავშვო ბაღის უფროსი ჯგუფის აღსაზრდელთა გამოსამშვიდობებელი ღონისძიება. ლამაზად გაწყობილ დარბაზში მათ ღონისძიებას ესწრებოდნენ სასულიერო პირები, მასწავლებლები, მშობლები, სტუმრები, თბილისის სომხური საზოგადოების წარმომადგენლები.