5 ოქტომბერს თბილისში გაიმართა ღვაწლმოსილი არქივისტის, თბილისში ცნობილი არქიტექტორის, საქართველოს სომხური ისტორიული ძეგლების მკვლევარისა და დიდი მცოდნის სარგის (სერგო) დარჩინიანის დაკრძალვის ცერემონია.

ამა წლის 29 სექტემბრის საღამოს სომეხთა სამოციქულო მართლმადიდებელ წმიდა ეკლესიის საქართველოს ეპარქიასთან მოქმედ „ჰაიარტუნ“ კულტურის ცენტრის გალუსტ გიულბენკიანის სახელობის ხალხმრავალ დარბაზში, „ჰაიარტუნ“ ცენტრისა და „კამურჯ“ ლიტერატურულ- კულტურული საზოგადოებრივი ორგანიზაციის ინიციატივით შედგა ლევონ ანანიანის ხსოვნის საღამო.

25 სექტემბერს თბილისის „Arthall“ საკონცერტო დარბაზში შედგა კონცერტი, სრ ტელეკომპანია „შანთის“ " სახალხო მომღერალი“ და „დუდუკის რჩეულები“ პროექტების გამარჯვებული და მონაწლე ნიჭიერი მომღერლებისა და მუსიკალური საკრავების შემსრულებელთა მონაწილეობით. საქველმოქმედო კონცერტი, რომელიც ასევე ხალხური სიმღერების დღესასწაული იყო, მიეძღვნა საიათნოვას 300 წლის იუბილეს. კონცერტის მიზანია სომხეთს გარეთ სომხებით დასახლებულ პუნქტებში სომხური ხალხური სიმღერისა და მუსიკის გაჟღერება. ახალქალაქში, ნინოწმინდასა და წალკაში გამართული საქველმოქმედო კონცერტების შემდეგ, ჯგუფის მომდევნო გაჩერება თბილისი იყო. კონცერტი გაიმართა სრ დიასპორის სამინისტროს ეგიდით, საქართველოს სომეხთა ეპარქიის წინამძღვრის, „ჰაიარტუნ“ ცენტრის და სამეურვეო საბჭოს წევრის ქველმოქმედი სოს სააკიანის მხარდაჭერით. კონცერტს ესწრებოდნენ სრ დიასპორის სამინისტროს დსთ ქვეყნების კავკასიის რეგიონის სომხურ სათვისტომოებთან ურთიერთობების სამმართველოს გამგე ტარონ შაგოიანი, საქართველოში სრ საელჩოს მრჩეველი ლევონ თორგომიანი, თბილისის სომხური საზოგადოებრიობის წარმომადგენლები.

26 სექტემბერი აზერბაიჯანელი ჯალათის მიერ უნგრეთში ცულით სასტიკად მოკლული ეთნიკურად სომეხი ოფიცრის გურგენ მარგარიანის დაბადების დღეა. თავისი ხალხის ნამდვილი შვილი სულმდაბალი მკვლელის მსხვერპლი გახდა მხოლოდ იმიტომ, რომ სომეხი იყო. ახალგაზრდა ოფიცრის ხსოვნას მიეძღვნა მის დაბადების დღეს თბილისის ავლაბრის სურბ ეჯმიაწინ ეკლესიაში ჩატარებული პანაშვიდი. ცერემონიის დასრულების შემდეგ სურბ ეჯმიაწინ ეკლესიის კანდელაკმა მღვდელმა მანუკ ზეინალიანმა ისაუბრა სომეხი სამხედრო მოსამსახურის გურგენ მარგარიანის სასტიკი წამების შესახებ, რისი მიზეზი მხოლოდ ეროვნული კუთვნილება იყო. სულისრმა მამამ ისაუბრა ასევე ქრისტიანობის იმ მცნებებზე, რომლითაც ხელმძღვანელობდა სომეხი ერი, თავისი შვილების მოწოდებით - არ კაც-ჰკლა: ჯალათს ცულის დარტყმით კი არ უნდა უპასუხო, არამედ დაელოდო, რომ უფალმა განსაჯოს იგი, რაც აუცილებლად აღსრულდება.