ბავშვთა დაცვის საერთაშორისო დღე საქართველოს სომეხთა ეპარქიაში აღინიშნა ლამაზი ღონისძიებით. საკვირაო საღმრთო ლიტურგიის შემდეგ თბილისის „სუებ ეჯმიაწინ“ ეკლესიის ეზო სავსე იყო სხვადასხვა ასაკისა და ეროვნების ბავშვებით და მათი მშობლებით. ბავშვებს ეს ლამაზი დღესასწაული მიულოცა საქართველოს სომეხთა ეპარქიის კულტურის განყოფილების დირექტორმა, „ჰაიარტუნ“ ცენტრის კოორდინატორმა ლევონ ჩიდილიანმა.

საქართველოს სომეხთა ეპარქიის „ჰაიარტუნ“ ცენტრში მოქმედებს ორი ერთდღიანი სკოლა, სადაც 10 წლის ასაკიდან დაწყებული ნებისმიერი ასაკის ადამიანს შეუძლია ისწავლოს სომხური, გაეცნოს სომეხთა ეკლესიისა და სომეხი ხალხის ისტორიას. აქ სწავლა ორწლიანია. მიუხედავად ასაკისა, ხშირად, არა მათი ბრალით, ფესვებს მოწყვეტილ უამრავ სომეხს, რომლებმაც არ იციან მშობლირი ენა, ამ სკოლებში ეძლევათ მშობლიური ენის შესწავლის შესაძლებლობა.

მიმდინარე წლის 16 - 27 მაისს, "ახალი ეკონომიკური სკოლა - საქართველო" (აესკო) არასამთავრობო ორგანიზაციამ, ფრიდრიხ ნაუმანის ფონდის (გერმანია) და საქართველოს უნივერსიტეტის მხარდაჭერით მოაწყო ლექციათა ციკლი, თემაზე - "რა განაპირობებს და რა აფერხებს ეკონომიკის ზრდას?“. თავისუფალ ლექციებს დიდი ინტერესით დაესწრნენ საქართველოს სომეხთა ეპარქიის „ჰაიარტუნ“ ცენტრის ახალგაზრდა აქტივისტები. ლექციების დასრულების შემდეგ, 31 მაისს კურსის წარმატებით დასრულების სერტიფიკატები მიიღეს მონაწილეებმა „ჰაიარტუნ’ ცენტრიდან: ანუშ მისკარიანმა, ემილ სარგსიანმა და გევორგ ავეტისიანმა.

2014 წლის 28 მაისს საქართველოს სახალხო დამცველმა საერთაშორისო ორგანიზაციების, საქართველოში აკრედიტებული დიპლომატიური კორპუსის და სამოქალაქო სექტორის წარმომადგენლებს ადამიანის უფლებათა და თავისუფლებათა დაცვის მდგომარეობის შესახებ 2013 წლის საპარლამენტო ანგარიში წარუდგინა.