ბათუმის სომხურმა სათვისტომომ, ადგილობრივი „სურბ ფრკიჩ“ ("წმინდა მაცხოვრის") ეკლესიის სულიერი მოძღვრის, მღვდელ არარატ გუმბალიანის ინიციატივით, 7 ივნისს ბათუმის მე- 9 სკოლაში ჩაატარა საიათნოვას „ვარდატონის“ 100 წლის იუბილესადმი მიძღვნილი საზეიმო ღონისძიება.

"ქართული ენა მომავალი წარმატებისათვის" პროგრამის ფარგლებში ახალქალაქის რაიონის სომხებით დასახლებულ სოფლებში: მერენიაში, ბუძავეთსა და ქოჩიოში მივლინებული ქართული ენის მასწავლებლები ხათუნა სტეფლიანი, მარეხი მერკვილაძე, თამარ იაკობაშვილი და თამარ მელიქიძე უკვე წელიწადნახევარია მუშაობენ ადგილობრივ სკოლებში და ასწავლიან ქართულ ენასა და ლიტერატურას.

29 მაისს , ამაღლების დღესასწაულის საღმრთო ლიტურგიის შემდეგ „რაფაელ ჯავახ“ კულტურულ-საგანმანათლებლო ცენტრში გაიხსნა ახალგაზრდა მხატვრების არმან თოროსიანისა და ჰრაჩია საფარიანის ფერწერულ ნამუშევრების გამოფენა, რომელიც მიეძღვნა ჯავახეთის სომხურ ეკლესიებს. გამოფენის გახსნას ესწრებოდნენ ნინოწმინდის მოსახლეობა, ცენტრის აღსაზრდელები, რაიონის ხელმძღვანელობა. შემდეგ დღესასწაულმა გადაინაცვლა ქალაქის მუსიკალურ სკოლაში, სადაც გაიმართა კულინარული ხელოვნების გამოფენა-კონკურსი, რომელშიც მონაწილეობდა 6 გუნდი, რომელთაგან ოსტატობით თავი გამოიჩინეს ნინოწმინდის მესამე, სათხასა დიდი ხანჩალის საჯარო სკოლების გუნდებმა. გამარჯვებული სკოლები დაჯილდოვდნენ დიპლომებით, სუვენირებით, ყველა მონაწილე კი - სიგელითა და საჩუქრით. ღონისძიება ორგანიზებული იყო „სურბ სარგის“ ეკლესიის, „რაფაელ ჯავახ“ კულტურულ-საგანამანათლებლო ცენტრისა და ნინოწმინდის მუნიციპალიტეტის განათლებისა და სპორტის სამსახურის მიერ.

უკვე 2 წელია ჯავახეთის საერთო ეპარქიალურ ვიკარიატთან მოქმედებს სარეაბილიტაციო ცენტრი, სადაც კვირაში სამჯერ ბავშვებს სპეციალური გაკვეთილები უტარდებათ. ბავშვთა დაცვის საერთაშორისო დღე ორმაგად სადღესასწაულო იყო სარეაბილიტაციო ცენტრის აღსაზრდელთათვის.