საქართველოს დამოუკიდებელი სახელმწიფოებრიობის აღდგენის დღისადმი მიძღვნილ ღონისძიებას შეუერთდა საქართველოს სომეხთა ეპარქიაც. მცხეთაში გამართულ საზეიმო კონცერტში მონაწილეობა მიიღო "ჰაიარტუნ" ცენტრის „ტარონ" ახალგაზრდულმა ცეკვის გუნდმა. ახალგაზრდებმა შეასრულეს „იახუშტა“ და „პოპური“, რითაც გამოხატეს, რომ უერთდებიან საქართველოს დამოუკიდებლობის შენარჩუნებას.

„ტარონ“ ანსამბლის (ქორეოგრაფი: ანგელინა ნაზარიან-ქოჩიანი) გამოსვლა თბილად და მხურვალე ოვაციებით მიიღო აუდიტორიამ. შთაბეჭდილება იმდენად კარგი იყო, რომ ეპარქიის ახალგაზრდობის განყოფილების დირექტორმა ვალერი ბადალიანმა კონცერტის ორგანიზატორებისაგან მიიღი სპეციალური მიწვევა, 14 ოქტომბერს მცხეთობის დღესასწაულში მონაწილეობის მისაღებად.

საქართველოს დამოუკიდებლობის აღდგენის დღისადმი მიძღვნილ ზეიმში მონაწილეობა მიიღო ასევე ანსამბლმა „ვანქ“ (ლიანა კაშავანიძე). კონცერტს განსაკუთრებული ელფერი შესძინა ამ დღისათვის სპეციალურად ჩამოსულმა, საქართველოს სომეხთა ეპარქიის მარნეულის რაიონის სოფელ კარმირის ცეკვის ანსამბლმა (ქორეოგრაფი: ლიანა კაშავანიძე).

მხიარული კონცერტის შემდეგ საქართველოს სომხური სათვისტომოს წარმომადგენლებმა საზეიმო განწყობით დაათვალიერეს მცხეთის ღირსშესანიშნაობები - სვეტიცხოვლის ტაძარი და ისტორიული ძეგლები.