2018 წლის 18 მარტს, ხალხმრავლობა იყო  ბათუმის „სურბ ბრკიჩ“ ეკლესიასა და მიმდებარე ტერიტორიაზე. ბათუმელი სომხები შეკრებილნი იყვნენ ეკლესიაში, სადაც აჭარის, გურიისა და იმერეთის სომხების, ბათუმის „სურბ ფრკიჩ“ ეკლესიის სულიერმა მოძღვარმა მღვდელმა არარატ გუმბალიანმა აღავლინა საღმრთო ლიტურგია, ეკლესიის ეზოში კი ეკლესიის მოყვარულ ქალთა კავშირის წევრები,  საქართველოს სომეხთა ეპარქიის „ალექსანდრ მანთაშიანც“ ცენტრის     დირექტორის, სონა ჰოვანისიანის ხელმძღვანელობით, ემზადებოდნენ ქადის ფესტივალისთვის. ბათუმელები ქადის  სხვადასხვა სახეობით იყვნენ მოსული ღონისძიებაში მონაწილეობის მისაღებად, რითაც ინარჩუნებენ  რელიგიური დღესასწაულების ნაციონალური სამზარეულოს ნიმუშებით პოპულარიზაციის საქართველოს სომეხთა ეპარქიაში   ტრადიციად ქცეულ  ჩვევას.

სომხური ეროვნული სტილით მორთულ სუფრაზე დაეწყო 50-ზე მეტი ლანგრით და    კალათით მოტანილი ქადის სხვადასხვა სახეობა - ტკბილი, მარილიანი, მრგვალი, ცალობით, უსწორმასწოროდ და სწორად დაჭრილი, ტკბილი შიგთავსით და ნიგვზით.

საღმრთო ლიტურგიის შემდეგ ღირსმა მღვდელმა არარატმა აკურთხა სომხური ქადა, ცენტრის დირექტორი კი მიესალმა დამსწრეებს, ასევე დასძინა, რომ ქადის ფესტივალს ასევე აქვს უგემრიელესი და ულამაზესი ქადის გამომცხობის გამოვლენის საიდუმლო, რისი პასუხისმგებლობა დაკისრებული ჰქონდა ჟიურის.

ხალხური ტრადიციის ერთგულად, ქადებში ჩადებული იყო 15 ვერცხლის ჯვარი, რომლებიც უნდა შეხვედროდა მათ, ვინც დააგემოვნებდა  ქადას, ჯვარი  მათ მოუტანდა განსაკუთრებულ წარმატებას.

და დაიწყო ეროვნული ქადით გამასპინძლება, ჩაითა და ყავით. ჟიურის გაუჭირდა რომელიმე ქადისთვის უპირატესობის მინიჭება, ვინაიდან ყველა ქადა განსაკუთრებულად გემრიელი და   ლამაზი იყო, სიყვარულით და  სიამოვნებით გამომცხვარი.    

ფესტივალი  ლამაზი სიმღერითა და ცეკვით დაამშვენეს „ალექსანდრ მანთაშიანც“ ცენტრის   მხატვრულმა ჯგუფებმა, მხიარული განწყობა შექმნეს და დაიმსახურეს მაყურებელთა მაღალი შეფასება. ბათუმელთათვის დღე იყო დაუვიწყარ და საზეიმო.