სომეხთა სამოციქულო წმიდა ეკლესიის კალენდრით  2017 წლის 23 ივლისი   ჩვენი უფლის, იესო ქრისტეს, ფერისცვალების დღესასწაულია.    სომეხთა  ეკლესიის ხუთ  მთავარ დღესასწაულთაგან  ერთ-ერთი საქართველოს სომეხთა ეპარქიის  ეკლესიებში აღინიშნა საღმრთო ლიტურგიით.

დილიდან მხიარული და საზეიმო განწყობა სუფევდა ეკლესიებში. თბილისიდან და საქართველოს სომხებით დასახლებული რეგიონებიდან მორწმუნეები დიდი ენთუზიაზმით  მოდიოდნენ    იესო ქრისტეს ფერისცვალების დღესასწაულის ან, როგორც ხალხი უწოდებს მას, ვარდავარის აღნიშვნაში    მონაწილეობის მისაღებად.   

„სურბ გევორგ“ საკათედრო ტაძარში  საღმრთო ლიტურგია აღავლინა საქართველოს სომეხთა ეპარქიის წინამძღვარმა, მისმა ყოვლადუსამღვდელოესობამ, ეპისკოპოსმა  ვაზგენ მირზახანიანმა. მეუფემ ქადაგებაში ისაუბრა დღის საიდუმლოზე,   და მორწმუნეებს მოუწოდა, რომ  განახლდნენ იესოთი, ფერცვლილი ქრისტეთი იცხოვრონ ახალი ცხოვრებით, რაც კაცობრიობას მოუტანს სიკეთეს, სიყვარულს, სოლიდარობას და სულიერ სინათლეს. მეუფე ვაზგენმა მოუწოდა, რომ   გამდიდრდნენ ცხოვრების სულიერი ფასეულობებით, კეთილი საქმეებით,  მოწყალებით და ერთმანეთის პატიებით.   

მისი ყოვლადუსამღვდელოესობის და მღვდელმსახურთა დამცავი ლოცვის  და კურთხევის შემდეგ, საზეიმო განწყობა გაგრძელდა დედაქალაქის ორ ეკლესიაში. წარმართული პერიოდიდან იღებს სათავეს   ქრისტიანულ ტრადიციაში გადმოსული ერთმანეთზე წყლის შესხურების  ჩვევა   ანუ ვარდავარი. ეს ჩვეულება ეკლესიების ეზოებში გამოიხატება ამ დღეს გაჩაღებული წუწაობით.   წუწაობაში ჩაერთნენ ასაკოვნები, ახალგაზრდები, სტუმრები, საღმრთო ლიტურგიაზე მოსულები, ამით გამოიწვიეს ცეკვასა და წუწაობაში სიამოვნებით ჩართული  უამრავი ტურისტის ინტერესი და გაკვირვება.     

კეთილ ჩვევად არის ქცეული საკათედრო ეკლესიის ეზოში დღესასწაულთან დაკავშირებით მორწმუნეების გამასპინძლება შესაწირით. წელსაც არ დაირღვა ტრადიცია და „სურბ გევორგის მოყვარულ ქალთა კავშირის“ ინიციატივით მომზადებული შესაწირი დაურიგდა მორწმუნეებს.    ბავშვებსა და დამსწრეებს  ასევე გაუმასპინძლდნენ ნაყინით.

ჩვენი უფლის, იესო ქრისტეს,   ფერისცვალების დღესასწაულის    საღმრთო ლიტურგიის შემდეგ, საზეიმო ღონისძიებები გაიმართა ბათუმის "სურბ ფრკიჩ“,   ახალციხის „გრიგორ ლუსავორიჩ“, ახალქალაქის „სურბ ხაჩ“, ნინოწმინდის "სურბ სარგის"  ეკლესიებში  და მიმდებარე სოფლების ეკლესიებში.  

აღსანიშნავია, რომ წალკის რაიონის სომხებით დასახლებულ სოფლებში აქვთ რელიგიური დღესასწაულების აღნიშვნის ჩვეულება. სოფელი აიაზმა ტრადიციულად აღნიშნავს ვარდავარის დღესასწაულს, სადაც  იკრიბებიან რაიონის სხვადასხვა სოფლებიდან ჩამოსული მორწმუნეები, წელა ადგილობრივი სულიერი მოძღვრის, ღევონდ თოფაშინის, ინიციატივით დღესასწაული აღინიშნა  საკონცერტო პროგრამით და წუწაობით.      

ჩვენი უფლის, იესო ქრისტეს, ფერისცვალებით  სულიერად განათლებული და ვარდავარის წყლით განწმენდილნი მორწმუნეები დაბრუნდნენ თავიანთ სახლებში, თან გაიყოლეს მწირველი მღვდლების მოწოდება, განწმენდილი წყლით და განახლებული   იესოთი.