Ընթացիկ տարվա Տեառնընդառաջի տոնը Վիրահայոց թեմում նշվեց մեծ շուքով: Տոնը հանդիսավորապես նշելուն պատրաստվել էին թեմի հայաբնակ գրեթե բոլոր տարածաշրջաններում և մայրաքաղաքում: Այն ժողովրդական մեծ խանդավառությամբ նշվեց Ջավախքի Առաջնորդական փոխանորդության Ախալքալաքի Սուրբ Խաչ, Նինոծմինդայի Սուրբ Սարգիս, Ախալցիխեի Սուրբ Գրիգոր Լուսավորիչ, Բաթումիի Սուրբ Փրկիչ, Քվեմո Քարթլիի տարածաշրջանի Շահումյանի Սուրբ Աստվածածին եկեղեցիներում, Կարմիր գյուղի Սրբոց Ավետարանչաց մատուռում, Թբիլիսիի Սուրբ Գևորգ առաջնորդանիստ և Սուրբ Էջմիածին եկեղեցիներում, ինչպես նաև մշակութային կենտրոններում:

Հունվարի 27-ին, հանդիսապետությամբ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի, Միածնաէջ Մայր Տաճարում Հայոց բանակի օրվա կապակցությամբ մատուցվեց Սուրբ և Անմահ Պատարագ:

Եթե Կրթական հաստատությունների հաջողությունների չափանիշը առաջադիմության գնահատականն է, ապա ստեղծագործական խմբակների առաջընթացը հաշվետու համերգն է և հանդիսատեսի ծափահարությունը: Այդ նպատակին էր ուղղված Վիրահայոց թեմի «Հայարտուն» կենտրոնի Գալուստ Գյուլբենկյան սրահում 2016 թվականի փետրվարի 11-ին կայացած «Հայարտուն» կենտրոնի ստեղծագործական խմբակների կիսամյակային հաշվետու համերգը:

2016 թվականի փետրվարի 7-ին, Վիրահայոց թեմի «Հայարտուն» կենտրոնում կայացավ ավանդական «Հարիսայի» փառատոնը: Վրաստանի հայ կանանց «Շուշանիկ» միության նախաձեռնությամբ և Վիրահայոց թեմի առաջնորդարանի աջակցությամբ իրականացվող այս միջոցառումը տարեցտարի ընդարձակվելով, վեր է ածվում ժողովրդական տոնահանդեսի, որին հայ կինը ներկայանում է տանտիրուհու իր հմտությամբ: Տարիներ ի վեր սույն փառատոնը նվիրվում է Բուն Բարեկենդանին: