Հայոց բանակի օրվա տոնակատարությունը Թբիլիսիում, Վրաստանում ՀՀ ռազմական կցորդ, գնդապետ Սամվել Ռամազյանի նախաձեռնությամբ մեկնարկեց Վիրահայոց թեմի Սուրբ Գևորգ առաջնորդանիստ եկեղեցու բակում հանգչող հայազգի գեներալների շիրիմներին այցելությամբ:

2016 թվականի հունվարի 22-ին, Թբիլիսիում, Կաթոլիկական եկեղեցում տեղի ունեցավ ընդհանրական էկումենիկ աղոթք: Միասնության այս աղոթքը բազում տարիներ ամեն տարի բարձրացվում է 4 քրիստոնեական դավանանքի հավատացյալների կողմից: Դրանք են Հայ Առաքելական Սուրբ Եկեղեցու Վիրահայոց թեմը, Վրաստանում Հռոմեական կաթոլիկական Եկեղեցին, Վրաստանում Ավետարանական-լյութերանական Եկեղեցին և Վրաստանում Ավետարանական-մկրտական Եկեղեցին: Ամեն տարի էկումենիկ աղոթքն իրականացվում է այս չորս եկեղեցիներից մեկի նախագահությամբ:

Հայ Առաքելական Ուղղափառ Սուրբ Եկեղեցու սիրված սրբերից՝ Սարգիս զորավարի, նրա Մարտիրոս որդու և 14 զինվորների տոնը, 2016 թվականի հունվարի 21-ին, հանդիսավորությամբ նշվեց Թբիլիսիի Իվանէ Ջավախիշվիլու անվան պետական համալսարանում: «Հանդուրժողականության, քաղաքացիական ըմբռնողականության և ինտեգրման աջակցության ծրագրի» [PITA] շրջանակներում, միջոցառումը կազմակերպեց համալսարանի հանդուրժողականության և մշակութային բազմազանության ակումբը համալսարանի հայազգի ուսանողների և նախապատրաստական կուրսի սովորողների ակտիվ մասնակցությամբ:

2016 թվականի հունվարի 22-ին, Թբիլիսիի Էլենե Ախվլեդիանիի անվան մանկական պատկերասրահում կայացավ «Քարթլիի թագուհի Շուշանիկը»  գիրք-ալբոմի շնորհանդեսը, որին ներկա էին արվեստագետներ, գեղագիտական դաստիարակության դպրոցների ուսուցիչներ, աշակերտներ, ծնողներ, հյուրեր: