Բաթումիի հայ համայնքը, տեղի «Սուրբ Փրկիչ» եկեղեցու հոգևոր հովիվ Տեր Արարատ քահանա Գումբալյանի նախաձեռնությամբ, Բաթումիի թիվ 9 դպրոցում հունիսի 7-ին կազմակերպեց Սայաթնովյան «Վարդատոնի» 100-ամյակին նվիրված տոնական միջոցառում:

«Վրաց լեզուն ապագայի հաջողության համար» ծրագրի շրջանակներում Ախալքալաքի շրջանի Մերենիա, Բուզավեթի և Քոչիո հայաբնակ գյուղեր գործուղված վրացերենի ոսուցչուհիներ Խաթունա Ստեպլիանին, Մարեխի Մերկվիլաձեն, Թամար Յակոբաշվիլին և Թամար Մելիքիձեն արդեն մեկ ու կես տարի աշխատում են տեղի դպրոցներում և դասավանդում են վրաց լեզու և գրականություն:

Մայիսի 29-ին, Համբարձման տոնին նվիրված Սուրբ պատարագից հետո, «Ռաֆայել Ջավախ» կրթամշակութային կենտրոնում բացվեց երիտասարդ նկարիչներ Արման Թորոսյանի և Հրաչյա Սաֆարյանի գեղանկարչական կտավների ցուցահանդեսը՝ նվիրված Ջավախքի հայկական եկեղեցիներին: Ցուցահանդեսի բացմանը մասնակցում էին Նինոծմինդայի բնակիչներ, կենտրոնի սաներ, շրջանի ղեկավարներ: Այնուհետև տոնակատարությունը տեղափոխվեց քաղաքի երաժշտական դպրոց, ուր տեղի ունեցավ խոհարարական արվեստի մրցույթ-ցուցահանդես: Մրցույթին մասնակցեցին 6 թիմ, որոնցից իրենց վարպետությամբ առանձնացան քաղաքի թիվ 3, Սաթխայի, Մեծ Խանչալիի հանրային դպրոցների թիմերը: Հաղթող դպրոցները պարգևատրվեցին դիպլոմներով, հուշանվերներով, իսկ բոլոր մասնակիցները՝ պատվոգրերով և նվերներներով: Միջոցառումը կազմակերպել էր Սբ. Սարգիս եկեղեցին, «Ռաֆայել Ջավախ» կրթամշակութային կենտրոնը և Նինոծմինդայի մունիցիպալիտետի կրթության և սպորտի ծառայությունը:

Արդեն 2 տարի է Ջավախքի ընդհանուր առաջնորդական փոխանորդությանը կից գործում է վերականգնողական կենտրոն, ուր շաբաթական երեք օր երեխաների հատուկ դասեր են անցկացվում: Երեխաների պաշտպանության միջազգային օրը կրկնակի տոնական էր վերականգնողական կենտրոնի սաների համար: