2014 წლის 24 მარტს საქართველოს სომეხთა ეპარქიის „ჰაიარტუნ“ ცენტრში გაიმართა ცენტრის საბჭოს წევრთა შეხვედრა. ცენტრის საქმიანობაზე საუბრისას, საბჭოს წევრებმა ხაზი გაუსვეს საქართველოში სომხური კულტურის განვითარების, სომხური იდენტობის შენარჩუნების, ქრისტიანული და ეროვნული, ტრადიციული და თანამედროვე ღირებულებების დაახლოების, სომეხი ადამიანის ეკლესიის გარშემო გაერთიანების მნიშვნელობას.

მათ ასევე ხაზი გაუსვეს სომხურ-ქართული საუკუნოვანი მეგობრობის გაღრმავების და შემდგომი განვითარების მიმართულებით ქართული ინტელიგენციის წარმომადგენლებთან, კულტურისა და ხელოვნების მოღვაწეებთან ეფექტურ თანამშრომლობას. რეორგანიზებულ საბჭომ დაადგინა: ბოლო წლების სამუშაო გამოცდილების მიხედვით გაგრძელდეს დაგეგმილი და ყოვლისმომცველი სამუშაოები საქართველოში მოქმედ შემოქმედებით კავშირებსა და არასამთავრობო ორგანიზაციებთან; გამყარდეს კავშირები ასევე დედა სამშობლოსთან, დიასპორის, კულტურის, განათლებისა და მეცნიერების, სპორტისა და ახალგაზრდობის საქმეთა სამინისტროებთან და თანამშრომლობა საქართველოში სრ საელჩოსთან. გადაწყდა თვეში ერთხელ მოწვეულიქნას „ჰაიარტუნ“ ცენტრის საბჭოს სხდომა.

საქართველოს სომეხთა ეპარქიის „ჰაიარტუნ“ ცენტრის რეორგანიზებული საბჭოს შემადგენლობა:

მისი ყოვლადუსამღვდელოესობა ეპისკოპოსი ვაზგენ მირზახანიანი - საქართველოს ეპარქიის წინამძღვარი;

გივი შაჰნაზარი - პოეტი- თარჯიმანი;

ლევონ ჩიდილიანი - საქართველოს სომეხთა ეპარქიის კულტურის განყოფილების დირექტორი და „ჰაიარტუნ“ ცენტრის კოორდინატორი;

გევორგ სნხჩიანი - საქართველოს სომეხ მწერალთა „ვერნატუნ“ კავშირის თავმჯდომარე;

ანაჰიტ ბოსტანჯიანი - „კამურჯ“ ლიტერატურულ-კულტურული არასამთავრობო ორგანიზაციის თავმჯდომარე;

მერუჟან შაუმიანი - საქართველოს სომეხ მხატვართა კავშირის თავმჯდომარე;

ერნსტ არაქელოვი - ვ. სარაჯიშვილის სახელობის თბილისის სახელმწიფო კონსერვატორიის პროფესორი;

სუსანა ხაჩატრიანი - საქართველოს სომეხ ქალთა „შუშანიკ“ კავშირის თავმჯდომარე;

ჟანა დავთიანი - „ გარი დავთიან“ თოჯინების კულტურის ცენტრის დირექტორი;

ემა ახტიანი - პროფესორი, საქართველოში სომხური სამეცნიერო-კვლევითი ცენტრის თავმჯდომარე;

ენოქ თადევოსიანი - საქართველოს სომეხი ინტელიგენციის კავშირის თავმჯდომარე;

არტემ კირაკოზოვი - საქართველოს სომეხ მუსიკოსთა კავშირის თავმჯდომარე;

კარინე მანუკიანი - საქართველოს განათლებისა და მეცნიერების სამინისტროს ეროვნული სასწავლო გეგმების დეპარტამენტის კოორდინატორი;

ესაი აბოვიანი - მუსიკოსი;

თენგიზ მიქოიანცი - მხატვარი.