2013 წლის 11 და 13 აგვისტოს ერევნის გაბრიელ სუნდუკიანის სახელობის ეროვნული აკადემიური თეატრიბათუმის ხელოვანთა სახლში გამოვიდა სპექტაკლებით „კავკასიური ცარცის წრე“ და „ასი წლის შემდეგ“. სომხური სათვისტომოს წარმომადგენლებში განსაკუთრებით დიდი ინტერესი გამოიწვია მწერალ პერჭ ზეითუნციანის ავტორობით სომეხთა გენოციდის თემაზედადგმულმა „ასი წლის შემდეგ“ წარმოდგენამ.

ბათუმის „სურბ ფრკიჩ“ ეკლესიის სულიერმა მოძღვარმა მღვდელმა არარატ გუმბალიანმა წარმოდგენის შემდეგ სომხურ ეკლესიაში მიიწვია თეატრის დირექტორისტეფან დავთიანი და ყველა მსახიობი. ეს უკანასკნელები 14 აგვისტოს სურბ ფრკიჩ ეკლესიაში დაესწრნენ„აღბიურ“ ბავშვთა სიმღერის გუნდის კონცერტს. მამა არარატმა მისასალმებელ სიტყვაში ხაზი გაუსვა სომხური თეატრალური ხელოვნების როლს სომხური სათვისტომოს ცხოვრებაში - როგორც თვითმყოფადობისა და ეროვნული იდენტობის შენარჩუნების ხელშემწყობ უმთავრეს ფაქტორს.