2017 წლის 18 ნოემბერს, საქართველოს სომეხთა ეპარქიის რუსთავის „სურბ გრიგორ ნარეკაცი“ სასულიერო, კულტურულ-საგანმანათლებლო და ახალგაზრდულ ცენტრში მოეწყო   ლიტერატურულ-მუსიკალური ღონისძიება, რომელიც მიეძღვნა წმინდა მთარგმნელი ვარდაპეტების ხსოვნას.  

ღონისძიებაში მონაწილეობდნენ ცენტრის წმინდა ეღიშეს სახელობის საკვირაო სკოლის უფროსი და უმცროსი ჯგუფის აღსაზრდელები, სიმღერის გუნდი "ბერკრი" და ცეკვის ანსამბლი „ნემრუთი“, ორგანიზატორი: სომხური ენისა და ლიტერატურის მასწავლებელი მარგარიტა შატარევიანი.

ღონისძიებას ესწრებოდნენ საქართველოში სომხეთის საელჩოს  მრჩეველი არტაკ გრაბსკი, საქართველოს სომეხ ბიზნესმენთა კავშირის თავმჯდომარე სამველ აღეკიანი,  საქართველოს სომეხთა ეპარქიის საეპისკოპოსოს კულტურის განყოფილების დირექტორი  ლევონ ჩიდილიანი,   განათლების განყოფილების დირექტორი   ევგენია მარკოსიანი,    ინფორმაციის განყოფილების დირექტორი სუსანა ხაჩატრიანი, ქალაქ რუსთავის სომხური სათვისტომოს წევრებო, მშობლები, სტუმრები თბილისიდან და მიმდებარე რაიონებიდან.  

ღონისძიებას თავის კურთხეული დასწრებით პატივი დასდო საქართველოს სომეხთა ეპარქიის წინამძღვარმა,  მისმა ყოვლადუსამღვდელოესობამ, ეპისკოპოსმა ვაზგენ მირზახანიანმა.

ღონისძიება დაიწყო "მამაო ჩვენო"-თი და ეპარქიის წინამძღვრის კეთილი სურვილებით.

 „სურბ გრიგორ ნარეკაცი“ ცენტრის    დამფუძნებელმა და რუსთავისა და მარნეულის რაიონის სომეხთა სულიერმა მოძღვარმა  ღირსმა მღვდელმა  ნარეკ ღუშჩიანმა გახსნა ღონისძიება, ისაუბრა წმინდა ვარდაპედ მთარგმნელთა დღესასწაულზე,  დიდებულ მასწავლებლებზე, ვინც სომეხ ხალხს მისცა დამწერლობისა და ლიტერატურის შექმნის, კულტურის ქმნის გასაღები და გაკვალა ცივილიზაციის გზა.  

მხოლოდ ორი თვის განმავლობაში არასომხური სკოლების სომეხმა მოსწავლეებმა, მართალია არა სწორი ინტონაციით და არა სომხური აქცენტით, მაგრამ მათი სულისთვის ახლო ენაზე   წარმოადგინეს წმინდა მთარგმნელთა ცხოვრება და საქმიანობა, წაიკითხეს მცნებები, რითაც დამსწრეთა კმაყოფილება და აღტაცება გამოიწვიეს.

სასიხარულოა ცენტრის საქმიანობის  პროგრესი. ბავშვების გამოსვლებს თან ახლდა ეროვნული ლამაზი ცეკვა და სიმღერა, სომხური საგალობლები, რაც მათ ასწავლეს   ქორეოგრაფმა სტელა სელეპანოვამ და ჯგუფის ხელმძღვანელმა ინა დავითაშვილმა.   

მოზარდებში პატრიოტიზმის და ერის სიყვარულის, ერისთვის სიამაყის გრძნობა გამოიწვია სომხური ლექსების დეკლამაციამ.  

ღონისძიების შესახებ შთაბეჭდილებები გამოთქვეს სტუმრებმა, ცალსახად გაესვა ხაზი საქართველოს სომეხთა ეპარქიის საეპისკოპოსოს პატრიოტულ წამოწყებას - ამ სულიერი და კულტურულ- საგანმანათლებლო ცენტრის დაფუძნებას, სკოლის და ეკლესიის გარეშე დარჩენილი რუსთაველი სომხების თავიანთი წინაპრების ფესვებისკენ დაბრუნების მიზნით.   

ღონისძიება კურთხევისა და დაფასების სიტყვით შეაჯამა საქართველოს სომეხთა ეპარქიის წინამძღვარმა,  მისმა ყოვლადუსამღვდელოესობამ, ეპისკოპოსმა ვაზგენ მირზახანიანმა. მეუფემ ისაუბრა უფლის სიტყვის მრევლისთვის მისთვის გასაგებ ენაზე და მისაღები დამწერლობით მიწოდების მნიშვნელობაზე, რომელიც დედა სამშობლოსა და დიასპორაში ვრცელდება პედაგოგ-ვარდაპეტების მიერ შექმნილი სომხური დამწერლობით, რომელიც ინახება და შენარჩუნდება მშობლიური ენით და ხდება სომეხი ადამიანის თვითმყოფადობის მთავარი გარანტია.   "ჭეშმარიტად, ცენტრი თავისი საქმიანობით     ცხადყოფს მისი არსებობის საჭიროებას. ეს ბავშვები, რომლებიც ყვებოდნენ მესროპ მაშტოცის, საჰაკ პართევის, ეღიშეს, დავით ანჰაღთის, მოვსეს ხორენაცის შესახებ, ლექსებს კითხულობდნენ, შთაგონებულნი იყვნენ სომხურით და ეს ღონისძიება იქცა  იმ საწყისად, რომელიც უნდა გავრცელდეს  და გაძლიერდეს, იქცეს   ქრისტიანულ  რწმენად, იდეოლოგიად და პატრიოტიზმად. აი ესაა ამ ცენტრის მისია, საქმიანობის მიზანი“, - თავის სიტყვაში თქვა მეუფე ვაზგენმა და დაფასების სიტყვით მიმართა ღონისძიების ყველა ორგანიზატორს, სულიერ მოძღვარს და ცენტრის მხარდამჭერ რუსთაველ სომხებს.

ღონისძიება დასრულდა  ეღიშე ჩარენცის „ეს იმ ანუშ ჰაიასტანი“ ლექსის ლამაზი დეკლამაციით, რომელიც ენისა და სამშობლოს სიყვარულის თავისებური ფიცია წმინდა ვარდაპეტების ხსოვნის წინაშე.