უკვე მე მეშვიდედ ზედიზედ ახტალაში სომხური სამზარეულოს ამ თავისებური კერძის - მწვადის, ტრადიციული ფესტივალი იმართება. 2015 წლის 12 სექტემბერს, შემოდგომის ამ ლამაზ დღეს ფესტივალმა ალავერდის რაიონის ახტალის ტერიტორიაზე შეკრიბა არა მხოლოდ კერძის დაგემოვნების, არამედ ნამდვილი მწვადის დამზადების მოყვარულები, სარესტორნო კომპლექსების მზარეულები, რომლებიც თავიანთი ოსტატობით, დიზაინერის ფანტაზიით, ტრადიციულთან ერთად წარმოადგინეს ის ინოვაციები, რაც განიცადა ამ კერძის დამზადებამ განვითარების გზაზე.

მწვადის მადისმომგვრელი სურნელი ტრიალებდა მთელ ტერიტორიაზე, ფესტივალის სტუმრებიც და მონაწილეებიც, ყველა აგემოვნებდა გემრიელ მწვადს. სტუმრებს შორის იყო ასევე საქართველოს სომეხთა ეპარქიის დელეგაცია, „ჰაიარტუნ“ ცენტრის დირექტორ ლევონ ჩიდილიანის ხელმძღვანელობით. პარალელურად ლორეს მთებში ვრცელდებოდა სიმღერისა და მუსიკის ჰანგები.

"მწვადის ფესტივალი- 2015"-ს საქართველოს სომეხთა ეპარქიის სახელით მიესალმა და სომხური მრავალსაუკუნოვანი კულტურის, ეროვნული სამზარეულოს მეშვეობით, წარდგენისათვის ფესტივალის ორგანიზატორებს მადლიერების სიტყვით მიმართა საქართველოს სომეხთა ეპარქიის პრესისა და ინფორმაციის განყოფილების დირექტორმა სუსანა ხაჩატრიანმა. ეპარქიის კულტურის განყოფილების დირექტორმა ლევონ ჩიდილიანმა კი დამსწრეებს მიმართა გევორგ ემინის ლექსით „საოცარი სომეხი“, რომელიც მიიღეს მხურვალე ტაშით. "ჰაიარტუნ" ცენტრის ინდივიდუალურმა შემსრულებელმა ანა ბადალიანმა ერევნისადი მიძღვნილი სიმღერით დამსწრეებს დღესასწაული მიულოცა, საქართველოს სომეხთა ეპარქიის ადმინისტრაციულ-სამეურნეო ნაწილის დირექტორ კარენ ერიციანს კი - დაბადების დღე.

ლორეს მთების წიაღში, მინერალებით მდიდარი ალავერდის ტერიტორიაზე , ალავერდის საეკლესიო კომპლექსის, ამ უნიკალური არქიტექტურული ძეგლის ,ტერიტორიაზე ხალხური ზეიმი გაგრძელდა გვიან საღამომდე. საქართველოს სომეხთა ეპარქიის დელეგაციის წევრებმა დაბრუნებისას, ჯვართამაღლების დღესასწაულის წინა დღეს სანთლები დაანთეს და ლოცვა აღავლინეს ჰაღპატის სამონასტრო კომპლექსში.