2015 წლის 29 მარტს, სომეხთა სამოციქულო მართლმადიდებელმა წმიდა ეკლესიამ აღნიშნა ბზობა, იერუსალიმში მაცხოვრის დიდებით შესვლა. უწმინდესმა და უნეტარესმა, ყოველთა სომეხთა კათოლიკოსმა გარეგინ მეორემ რამდენიმე წლის წინ ბზობა გამოაცხადა ბავშვების კურთხევის დღედ.

დილით ხალხმრავლობა იყო თბილისის „სურბ ეჯმიაწინ“ ეკლესიის ეზოში და მის გარშემო. დილის ღვთისმსახურების შემდეგ მორწმუნეებით სავსე ეკლესიაში აღევლინა საღმრთო ლიტურგია. მქადაგებელმა, საქართველოს სომეხთა ეპარქიის წინამძღვარმა მისმა ყოვლადუსამღვდელოესობა ეპისკოპოსმა ვაზგენ მირზახანიანმა, ქადაგებაში დაწვრილებით წარადგინა ბზობის საიდუმლო და დღესასწაულის სულიერი მოწოდება, ისაუბრა იესო ქრისტეს ამქვეყნიერი ცხოვრების ბოლო რამდენიმე ეპიზოდზე.

შემდგომ წინამძღვარმა ასევე აკურთხა ბავშვები.

დღის განმავლობაში არ წყდებოდა ხალხის ნაკადი სომხურ ეკლესიაში. სასულიერო პირების მიერ იკურთხებოდა ტირიფის რტოები და ურიგდებოდა მორწმუნეებს, ვინაიდან რტოს და ტოტის ჩუქება სიმბოლოა განსაკუთრებული პატივისცემისა და საზეიმო განწყობისა.

ბზობის ზეიმი გაიმართა სამცხე-ჯავახეთის, ქვემო ქართლის და ბათუმის სომხურ ეკლესიებშიც.