2015 წლის 17 თებერვალს, თბილისში, მწერალთა სახლში გაიმართა ცნობილი პოეტის, მთარგმნელის, თანამედროვე სომხურ სალიტერატურო სარბილეზე მისი განსაკუთრებული ადგილდამკვიდრებული, პროზაული და პოეტური ნამუშევრების ავტორის, მთარგმნელობითი ლიტერატურის დიდი ოსტატის, სომხურ და ქართულ ლიტერატურათა დაკავშირების საქმის დიდი ერთგულის ანაჰიტ ბოსტანჯიანის დაბადების 65 წლისა და ლიტერატურული მოღვაწეობის მე-40 წლისადმი მიძღვნილი საიბილეო საღამო.

ლამაზ დარბაზში შეკრებილიყვნენ ქართული ლიტერატურის ცნობილი სახეები, ანაჰიტ ბოსტანჯიანის ნაწარმოებებისა და თარგმანების თაყვანისმცემლები და დამფასებლები, ორი ხალხების მეგობრობის ერთგულები და მქადაგებლები.

ღონისძიებას მისი დასწრებით პატივი დასდო საქართველოს სომეხთა ეპარქიის წინამძღვარმა მისმა ყოვლადუსამღვდელოესობამ ეპისკოპოსმა ვაზგენ მირზახანიანმა. დარბაზში ადგილები ეკავათ ასევე საქართველოში სრ საელჩოს დიპლომატებს, სხვადასხვა გამომცემლობების ხელმძღვანელებს და სტუმრებს.

პოეტმა მაყვალა გონაშვილმა გახსნა საიბილეო საღამო, რომელსაც უწოდა სიყვარულის, ხალხების და მეგობრობის ზეიმი. წაიკითხეს საქართველოში სრ საგანგებო და სრულუფლებიანი ელჩის იური ვარდანიანის მიმართვა ანაჰიტ ბოსტანჯიანისადმი, ასევე სომხეთის მწერალთა კავშირის თავმჯდომარის ედვარდ მილიტონიანის, თბილისის მერიის კულტურის დეპარტამენტის ხელმძღვანელის ია მაქაცარიასა და სხვათა მილოცვები.

საქართველოს მწერალთა კავშირის თავმჯდომარემ რევაზ მიშველაძემ, განაზოგადა ბედით, ისტორიით, ბიბლიოგრაფიით, წეს-ჩვეულებებით დაკავშირებული, საუკუნეების მანძილზე ერთად მიმავალი ხალხების განვლილი გზა, საიბილეო ღონისძიებას უწოდა სომეხი და ქართველი ხალხების მეგობრობის ზეიმი, ანაჰიტ ბოსტანჯიანს კი - ორი ერის ლიტარატურათა ერთგულ პიროვნებად, რომელიც აახლოვებს და აკავშირებს ამ ლიტერატურებს. საქართველოს მწერალთა კავშირის თავმჯდომარემ ანაჰიტ ბოსტანჯიანს გადასცა ანა კალანდაძის პრემია.

საქართველოს სომეხთა ეპარქიის წინამძღვარმა მისმა ყოვლადუსამღვდელოესობამ ეპისკოპოსმა ვაზგენ მირზახანიანმა მიულოცა ნიჭიერ პოეტს, უსურვა რწმენით აღსავსე წინსვლა, ახალი მწვერვალების მიღწევა და დიდ პოეტს აჩუქა ჯოვანი ვეფხვაძის ძველი თბილისის მოტივებზე შესრულებული ფერწერული ტილო. საქართველოს სომეხთა ეპარქიის კულტურულ-საგანმანათლებლო და ახალგაზრდული „ჰაიარტუნ“ ცენტრის სახელით ანაჰიტ ბოსტანჯიანს „ერევანი“ და „თბილისო“ სიმღერებით მიულოცა „ნერსეს შნორჰალი“ ბავშვთა გუნდმა.

40 წიგნის ავტორს, ჟურნალისტ, პუბლიცისტ, „კამურჯ“ წელიწდეულის რედაქტორ ანაჰიტ ბოსტანჯიანს სომეხი და ქართველი ხალხების მრავალსაუკუნოვანი მეგობრობის გაღრმავებისა და განვითარების საქმეში თავდადებული მუშაობისათვის მადლიერების სიტყვით მიმართეს მწერალმა ჯანსუღ ჩარკვიანმა, ჟურნალ „ცისკარის“ რედაქტორმა ბაღათერ არაბულმა, პოეტმა მზია ხეთაგურმა, მწერალმა რევაზ ადამიამ, მწერალ-მთარგმნელმა გივი შაჰნაზარმა, მწერალმა ბადრი ქუთათელაძემ, გაზეთ „ვრასატნის“ რედაქტორმა ვან ბაიბურთიანმა, საქართველოს სომეხთა კავშირის თავმჯდომარემ ჰენრიხ მურადიანმა, პროფესორმა ემა ახტიანმა, ისტორიკოსმა ნორაირ ბაღდასარიანმა და სხვებმა.

ანაჰიტ ბოსტანჯიანის საიუბილეო საღამო გამოსვლებით დაამშვენეს მუსიკოსმა ვაჟა აზარაშვილმა, მომღერალმა ირმა სოხაძემ, იუბილარის შვილიშვილმა ლიზა თოროსიანმა, ჰენრიხ პეტროსიანმა კი შეასრულა პოეტის სიტყვებით დაწერილი სიმღერა.

საღამო იქცა სომხურ და ქართულ ლიტერატურათა დაახლოების, ორი ხალხის მეგობრობისა და სიყვარულის დღესასწაულად, რომლის გვირგვინოსანი ანაჰიტ ბოსტანჯიან - უნიჭიერესი შემოქმედი იყო.