საქართველოს სომეხთა ეპარქიის „ჰაიარტუნ“ ცენტრის გალუსტ გიულბენკიანის სახელობის დარბაზში გაიმართა კულტურულ-საგანმანათლებლო და ახალგაზრდული „ჰაიარტუნ“ ცენტრის საბჭოს მორიგი სხდომა, რომელიც დაიწყო „მამაო ჩვენოს“ ლოცვითა და ეპარქიის წინამძღვრის კურთხევით.

სხდომის თავმჯდომარე, საქართველოს სომეხთა ეპარქიის წინამძღვარი მისი ყოვლადუსამღვდელოესობა ეპისკოპოსი ვაზგენ მირზახანიანი მიესალმა დამსწრეებს, მადლობა გადაუხადა საბჭოს წევრებს ერთობლივი და ეფექტური მოღვაწეობისათვის. წინამძღვარმა ისაუბრა „ჰაიარტუნ“ცენტრის შესრულებულ სამუშაოებზე, დააფიქსირა 50-ზე მეტი ღონისძიება, რომლებიც საქართველოში სომხეთის საელჩოს, თბილისის პეტროს ადამიანის სახელობის სახელმწიფო დრამატული თეატრის, არასამთავრობო ორგანიზაციების, ლიტერატურის, ხელოვნების მოღვაწეებთან თანამშრომლობის ფორმატში განხორციელდა ქართულ დალოცვილ მიწასა და დედა სამშობლოში.

მისმა ყოვლადუსამღვდელოესობამ დადებითად შეაფასა ის მისია, რომლის განხორციელებსთვისაც მოწოდებულია ცენტრი. ეს საქართველოში სულიერი და ეროვნული კულტურისა და ტრადიციების შენარჩუნებაა და მათი გადაცემა ახალგაზრდა თაობისათვის, ასევე სომხურ-ქართული კულტურული კავშირების განმტკიცება და განვითარება. „ჰაიარტუნ“ ცენტრისა და არასამთავრობო ორგანიზაციების თანამშრობლობის ფორმატზე საუბრისას, წინამძღვარმა ხაზი გაუსვა იმას, რომ დაარსების დღიდან „ჰაიარტუნ“ ცენტრი მათთან პარტნიორობით ამხნევებს მათ, ეხმარება, მხარს უჭერს ახალი ორგანიზაციების ჩამოყალიბებას.

ეპარქიის წინამძღვარმა დამსწრეებს აცნობა „სურბ გევორგ“ საკათედრო ტაძრის აღდგენითი სამუშაოებისა და თუმანიანის სახლის - "ვერნატუნის", საქმეთა მიმდინარეობის შესახებ.

სხდომაის თავმჯდომარემ ხაზგასმით ისაუბრა საქართველოში სომხების სამოქალაქო საზოგადოების ჩამოყალიბების საქმეში არასამთავრობო ორგანიზაციების როლზე. წინამძღვარმა ასევე ხაზი გაუსვა არასამთავრობო ორგანიზაციებისა და ინდივიდ აქტივისტთა დამოუკიდებლად მოღვაწეობას, დროის მოთხოვნას - საზოგადოების ფართო წრეებში შემდგარ აქტივისტად ჩამოყალიბებას. წინამძღვარმა განსაკუთრებით აღნიშნა დამოუკიდებლობის გააქტიურების, სომხურ-ქართული კულტურული, საზოგადოებრივი კავშირების გაღრმავების, ერთობლივი პროგრამების განხორციელების საკითხები. ცენტრმა უნდა შეინარჩუნოს გამხნევებისა და დახმარების მისია, მხარი უნდა დაუჭიროს ღონისძიებათა ჩატარებას და რეაგირება უნდა მოახდინოს საქართველოში სომეხთა საჭირბოროტო საკითხებზე.

„ჰაიარტუნ“ ცენტრის ხელმძღვანელთან მჭიდრო თანამშრომლობის ფორმატით, ხაზი გაესვა განსახორციელებელი ღონისძიებების ხარისხობრივი დონის ამაღლების აუცილებლობას.

საბჭოს წევრების მხრიდან გაისმა სხვადასხვა წინადადებები, რომლებიც განიხილება მომდევნო შეხვედრებზე და განხორციელდება სხვადასხვა სფეროებში.

შეკრების დასასრულს ეპარქიის ლიდერმა „ჰაიარტუნ“ ცენტრის საბჭოს წევრებს შესთავაზა საეკლესიო და საეპარქიო საბჭოების ჩამოყალიბებამდე ეპარქიის ლიდერის სათათბირო ორგანოდ მოღვაწეობა.