| საქართველოს სომეხთა ეპარქიაში საჭირო დონეზე აღინიშნა წმიდა მთარგმნელი ვარდაპეტების დღესასწაული |
 |
 |
 |
|
სომეხთა სამოციქულო წმიდა ეკლესიის კალენდრით 12 ოქტომბერს აღინიშნა წმიდა მთარგმნელი ვარდაპეტების - საჰაკ პართევის, მესროპ მაშტოცისა და მათი მოწაფეების დღესასწაული, რომელიც სომეხი ხალხის სანუკვარი და საყვარელი ეროვნულ-საეკლესი მთარგმნელთა დღესასწაული საქართველოს სომეხთა ეპარქიაში აღინიშნა საჭირო დონეზე. ამ დღესასწაულს მიეძღვნა ცნობილი პიანისტის, თბილისის ყოფილი მცხოვრების, ამჟამად გერმანიაში მოღვაწე მამიკონ ნაჰაპეტოვის საფორტეპიანო მუსიკის კონცერტი, რომელიც ჩატარდა ამა წლის 11 ოქტომბერს. 12 ოქტომბერს კი თბილისის „სურბ ეჯმიაწინ“ ეკლესიაში საქართველოს სომეხთა ეპარქიის წინამძღვრის ეპისკოპოს ვაზგენ მირზახანიანის საპატიო მონაწილეობით, „სურბ გევორგ“ საკათედრო ტაძრის კანდელაკმა მღვდელმა ჰუსიკ ჰარუთიუნიანმა წირვა აღავლინა. აღსანიშნავია, რომ უამრავ მორწმუნესთან ერთად წირვას დაესწრნენ „სურბ მოვსეს ხორენაცის“ სახელობის საბავშვო ბაღის აღსაზრდელები და „სურბ გრიგორ ნარეკაცის“ სახელობის სომხური ენის სწავლების ერთდღიანი სკოლის მოწაფეები. წირვის დასასრულს, ეპარქიის წინამძღვარმა იქადაგა დღის საიდუმლოს შესახებ, სომეხი ხალხის და სომხური ეკლესიის ისტორიაში ერის გამოჩენილი შვილების - მეფე ვრამშაპუჰის, კათოლიკოს საჰაკ პართევის, დიდებული მესროპ მაშტოცის და მათი მოწაფეების შესახებ. მან კონკრეტულად წარმოადგინა სომხურ დამწერლობის შექმნაში, სომხეთის ისტორიაში, მეცნიერებისა და ფილოსოფიის განვითარებაში ამ დიდებულთა როლი, რომლითაც ერს აქვს საკუთარი დამწერლობა, მიეკუთვნება მსოფლიოს უძველეს და ცივილიზებულ ერებს. ამის შემდეგ მოეწყო მორწმუნეთა მსვლელობა სომეხ დიდებულთა ხოჯივანქის პანთეონისკენ, სადაც ერის შვილების ხსოვნისადმი მიძღვნილი პანაშვიდი ჩატარდა. დამსწრეებს დღესასწაული მიულოცეს და წმიდა ვარდაპეტების საქმის გაგრძელებისკენ მოუწოდეს გაზეთ „ვრასტანის“ რედაქტორმა ვან ბაიბურთიანმა და საქართველოს სომეხ მხატვართა კავშირის თავმჯდომარემ მერუჟან შაუმიანმა. მთარგმნელთა დღისადმი მიძღვნილი შემდეგი ღონისძიება ჩატარდა „ჰაიარტუნ“ ცენტრის გალუსტ გიულბენკინის სახელობის დარბაზში, სადაც საქართველოს სომეხ მწერალთა „ვერნატუნ“ კავშირის ინიციატივით და სრ დიასპორის სამინისტროს მხარდაჭერით შედგა მოსწავლეთა ლიტერატურული პრემიის დაჯილდოების ცერემონიალი. საზეიმო ცერემონიას ესწრებოდნენ საქართველოს სომეხთა ეპარქიის წინამძრვარი ეპისკოპოსი ვაზგენ მირზახანიანი, მწერალ-მთარგმნელი გივი შაჰნაზარი, „კამურჯ“ ლიტერატურულ- კულტურული კავშირები არასამთავრობო ორგანიზაციის თავმჯდომარე ანაჰიტ ბოსტანჯიანი, მწერლები, სომხური სათვისტომოს სხვადასხვა სტრუქტურათა ხელმძღვანელები, პედაგოგები, მშობლები. ღონისძიებას ესწრებოდნენ მოსწავლეები ახალქალაქის, ნინოწმინდის, მარნეულის რაიონებისა და სოფლების სკოლებიდან. ლიტერატურული დაჯილდოების საპატიო სტუმრები იყვნენ ერევნის ჰოვანეს თუმანიანის სახლ-მუზეუმის დირექტორი ნარინე თუხიკიანი და სირიელი სომეხი მსახიობი მაიტა ბოშკეზენიანი. ღონისძიება დაიწყო ლოცვით - „მამაო ჩვენოთი“, შემდეგ საქართველოს სომეხ მწერალთა „ვერნატუნ“ კავშირის თავმჯდომარემ ჟორა სნხჩიანმა ისაუბრა პრემიის მიზნებსა და დავალებებზე, ხაზი გაუსვა კონკურსის ნებაყოფლობითობას საქართველოს სომეხ მწერალთა „ვერნატუნ“ კავშირი არ დაელოდა სრ დიასპორის სამინისტროს მიერ შედეგების გამოქვეყნებას და შეაჯამა კონკურსის შედეგები. ერევნის ჰოვანეს თუმანიანის სახლ-მუზეუმის დირექტორმა ქალბატონმა ნარინე თუხიკიანმა მიულოცა ყველა გამარჯვებულს და აჩუქა სახლ-მუზეუმის სიგელი და თუმანიანის ნაწარმოებების იშვიათი ნიმუშები. პოეტ-მთარგმნელი ანაჰიტ ბოსტანჯიანი მიესალმა ინიციატივას, საუკეთესო სურვილებით მიმართა მონაწილეებს და პირადად მწერალ-მთარგმნელ გივი შაჰნაზარს, რომელიც 60-წლიანი მოღვაწეობის პერიოდში ბრწყინვალე თარგმანაებით ქართულ საზოგადოებრიობას წარუდგენს სომხური ლიტერატურის შედევრებს, მიულოცა პროფესიული დღესასწაული. დაჯილდოებულთა სახელით მადლიერების სიტყვა თქვეს საუკეთესო ნამუშევრების ავტორებმა, ნინოწმინდის რაიონის სოფელ ჯიგრაშენის საჯარო სკოლის მოსწავლემ არმინე გევორგიანმა და თბილისის 104-ე საჯარო სკოლის მოსწავლემ არამ გრიგორიანმა. ღონისძიების დასასრულს საქართველოს სომეხთა ეპარქიის წინამძღვარმა ეპისკოპოსმა ვაზგენ მირზახანიამა მისი კურთხევა უბოძა დამსწრეებს და მაღალი შეფასება მისცა კონკურსის ორგანიზებას. წინამძრვარმა ისაუბრა კითხვის მნიშვნელობაზე, შემოქმედებითი აზრის გასავითარებლად ორგანიზებულ ღონისძიებებზე, რომლებმაც ხელი უნდა შეუწყონ საქართველოში სომხური ლიტერატურის, სომხური ხელოვნების, სომხური კულტურის განვითარებას და ერს მისცენ საუკეთესო შვილები. წმიდა მთარგმნელ-ვარდაპეტების დღესასწაულისადმი მიძღვნილი წირვები აღევლინა საქართველოში მოქმედ ყველა სომხურ ეკლესიაში.
    |
