ბათუმის ხელოვნების ცენტრში, "ფოლკლორული ზაფხული - 2013“ პროგრამის ფარგლებში, ჩატარდა კონცერტების ციკლი, რომელშიც მონაწილეობა მიიღეს სომხეთისა და საქართველოს სხვადასხვა ქალაქებიდან ჩამოსულმა მუსიკალურმა და ცეკვის ანსამბლებმა. სომხეთს წარმოადგენდნენ ერევნის „ვაჰაგნ“ მედოლეთა, გიუმრის „ჰაიკაკან ზარდანახშერ“ („სომხური ორნამენტები“), ვანაძორის „ანი“ ცეკვის ანსამბლები, აბოვიანის ჯაზის და ესტრადის კოლეჯის აღსაზრდელები. ამ უკანასკნელებმა აუდიტორიას წარუდგინეს სომხური ეროვნული ცეკვა და სიმღერა.

დამსწრე მაყურებელი ძირითადად სომხურ სათვისტომოს წარმადგენდა. კონცერტი გაიხსნა აჭარის სომეხთა და ბათუმის „სურბ ფრკიჩ“ ეკლესიის სულიერი მოძღვრის მღვდელ არარატ გუმბალიანის მისასალმებელი სიტყვით, რომელშიც მან ხაზი გაუსვა ამგვარი ერთობლივი ღონისძიებების ჩატარების მნიშვნელობას და აღნიშნა, რომ ისინი კიდევ ერთხელ ადასტურებენ სომეხი და ქართველი ხალხის საუკუნოვან მეგობრობას და მადლიერებით მიმართა ორგანიზატორებს. სომხეთის წარმოადგენლებმა, თავის მხრივ, აღნიშნეს სომხური ეკლესიის მხარდაჭერა აღნიშნული პროგრამისთვის.